اسلام آباد (وسیم بٹ) سکیورٹیز اینڈ ایکسچینج کمیشن آف پاکستان اور اکاؤنٹنگ اینڈ آڈیٹنگ آرگنائزیشن فار اسلامک فنانشل انسٹی ٹیوشنز (AAOIFI) نے اسلامی فنانس کو فروغ دینے کے لیے پاکستان میں اسلامک فنانس ریسرچ اینڈ ڈیولپمنٹ سینٹر قائم کریں گے۔
اس سلسلے میں ایس ای سی پی کے کمشنر مجتبیٰ احمد لودھی اور اکاؤنٹنگ اینڈ آڈیٹنگ آرگنائزیشن فار اسلامک فنانشل انسٹی ٹیوشنز (AAOIFI) کے چئیرمین ابراہیم بن خلیفہ الخلیفہ، نے بحرین میں ہونے والی ایک تقریب میں باہمی مفاہمت کی یاداشت پر دستخط کئےگئے۔
مجتبی لودھی نے بحرین میں ہوانے والی اسلامک فنانس کانفرنس میں بھی شرکت کی اور اقتصادی سرگرمیوں میں تنوع کے حوالے سے اسلامی مالیات کے کردار پر تفصیل سے بریفنگ دی۔ اس دوران انہوں نے بحرین کے مرکزی بینک ، انٹرنیشنل اسلامک فنانشل مارکیٹس اور بحرین انسٹی ٹیوٹ آف بینکنگ اینڈ فنانس کے اہم عہدیداروں سے بھی ملاقاتیں کیں اور باہمی تعاون کے شعبوں پر تبادلہ خیال کیا ۔
اسلامک فنانس ریسرچ اینڈ ڈیولپمنٹ سینٹر ایس ای سی پی میں قائم کیا جائے گا۔ یہ سینٹر پاکستان میں اسلامی مالیاتی خدمات کی صنعت میں ترقی کو فروغ دینے کے لیے صلاحیت سازی ، وکالت، اور پالیسی سازی کو آگے بڑھانے کی جانب ایک اہم قدم ہے۔ مفاہمتی یاداشت کے تحت، اکاؤنٹنگ اینڈ آڈیٹنگ آرگنائزیشن فار اسلامک فنانشل انسٹی ٹیوشنز (AAOIFI) اس حوالے سے استعداد کار کر بڑھانے، تحقیق اور وکالت کی سرگرمیوں کے لیے ایس ای سی پی کو تکنیکی تعاون فراہم کرے گا۔
مزید پڑھیں: پاکستان اور کویت کے درمیان اربوں ڈالر کے معاہدے
ایس ای سی پی امید کرتا ہے کہ AAOIFI جیسے عالمی اداروں کے ساتھ شراکت داری وفاقی شریعت کورٹ کے فیصلے پر عمل درآمد میں آسانی پیدا کرے گی اور معیشت سے ربا کے خاتمے کے لیے معاون ہو گی۔
