گوجرانوالہ( بیورو رپورٹ)پاکستان مسلم لیگ ن علماء مشائخ ونگ پنجاب کی جانب سے معروف شخصیت صاحبزادہ محمد آصف معصومی کو ڈویژن گوجرانوالہ کا صدر مقرر کردیا گیا ہے ۔ڈویژن بھر کی سیاسی و سماجی شخصیات نے صاحبزادہ محمد آصف معصومی کو گو جرانوالہ ڈویژن کا صدر منتخب ہونے پر مبارکباد دی ہے اور امید ظاہر کی ہے کہ صاحبزادہ محمد آصف معصومی کی قیادت میں علماء مشائخ ونگ کی کارکردگی مزید بہتر ہوگی۔صاحبزادہ محمد آصف معصومی نے اپنے ایک بیان میں اس عزم کا اظہار کیا ہے کہ ڈاکٹر مفتی انتخاب احمد نوری صدر پنجاب اور دیگر قائدین نے ان پر جس اعتماد کا کا اظہار کیا ہے انشاء اللہ وہ اس پر پورا اترنے کی بھرپور کوشش کریں گے انہوں نے ڈاکٹر مفتی انتخاب احمد نوری صدر پنجاب و دیگر قائدین کاا شکریہ ادا کیا ہے ۔ صاحبزادہ محمد آصف معصومی نے کہا کہ پاکستان مسلم لیگ ن کے علما مشائخ ونگ میں تمام مکاتب فکر کے علما کی نمائندگی اچھا پیغام دیتی ہے۔۔انکا کہنا ہے کہ معاشرے میں علما کا کردار درخشاں ستارے کی مانند ہے، علما دین سے متعلق معاملات میں رہنمائی فراہم کرتے ہیں، ان کی عزت، تکریم مقدم ہونی چاہیے۔انہوں نے کہا کہ اسلام مکمل ضابطہ حیات ہے، معاشرے میں امن، برداشت اور رواداری قائم کرنے میں علما کرام کا اہم کردار ہے۔انہوں نے مزید کہا ہماری نوجوان نسل ہی اصل طاقت ہے انہیں دنیاوی تعلیم کے ساتھ ساتھ دین کی تعلیمات سے روشناس کرانے کی بھی ضرورت ہے۔، مسلم لیگ ن کے سابقہ دور حکومت میں تعلیمی اداروں میں قرآن کریم کی تعلیم کے لیے خصوصی اقدامات کیے گئے، ملک میں امن، استحکام ترجیح ہے۔ علاوہ ازیں صاحبزادہ محمد آصف معصومی نے میاں محمد نواز شریف کو پاکستان مسلم لیگ ن کا بلامقابلہ صدر منتخب ہونے پر مبارک باد دی ہے اور کہا کہ ایک سازش کے تحت 2017 میں نواز شریف سمیت ن لیگی قیادت کو پہلے اقتدار سے الگ کیا گیا پھر نواز شریف کو پارٹی کی صدارت سے الگ کیا گیا، اس سازش کے مرتکب افراد کو کٹہرے میں لایا جائے، انہوں نے کہا کہ پارٹی اپنے قائد میاں محمد نواز شریف پر مکمل اعتماد کا اظہار کرتی ہے۔ “نوازشریف ہی وہ واحد لیڈر ہے جسے قائد اعظم کا سیاسی وارث قراردیا جاسکتا ہے!