لاہور (آئی ایم ایم)شہریوں کے مسائل ترجیحی بنیادوں پر حل کرنے کیلئے ڈی آئی جی آپریشنزدفتر میں روزانہ کی بنیاد پر کھلی کچہری کا سلسلہ جاری ہے۔ آج منعقدہ کھلی کچہری میں مختلف شعبہ ہائے زندگی سے تعلق رکھنے والے افراد نے شرکت کی۔ ڈی آئی جی آپریشنزلاہور محمد فیصل کامران نے کھلی کچہری میں شہریوں کے مسائل سنے اور متعلقہ افسران کوبذریعہ فون کالزاحکامات جاری کئے۔
محمد فیصل کامران نے کہا کہ کھلی کچہری کا مقصد شہریوں کے مسائل باعزت طریقے سے حل کرنا ہے۔شہریوں کے مسائل ترجیحی بنیادوں پر حل کئے جا رہے ہیں۔کھلی کچہری میں جاری احکامات بارے متعلقہ افسران سے فالو اپ لیا جا رہا ہے۔انہوں نے مزید کہا کہ شہریوں سے بھی ان کے مسائل، شکایات کے حل بارے فیڈ بیک لیا جا رہا ہے۔ شہریوں مقررہ اوقات میں اپنے مسائل کے حل کے لئے کسی بھی سفارش کے بغیر دفتر آ سکتے ہیں۔
