انسدادِ انسانی سمگلنگ سرکل راولپنڈی کی بڑی کاروائی۔350 سے زائد معصوم شہریوں سے ویزا فراڈ کا معاملہ،منظم گینگ کے 2 کارندے گرفتار۔وفاقی وزیر داخلہ محسن رضا نقوی کی ہدایات پر انسانی سمگلرز اور ویزہ فراڈ میں ملوث عناصر کے خلاف کریک ڈاؤن جاری۔350 معصوم شہریوں کے ساتھ ویزا فراڈ میں ملوث گروہ کے 2 ملزمان گرفتار

ملزمان کی شناخت غلام مرتضیٰ اور انجم جاوید کے نام سے ہوئی۔ملزمان کو چھاپہ مار کاروائی میں اسلام آباد سے گرفتار کیا گیا۔

ملزمان نے دیگر ساتھیوں کی ملی بھگت سے 350 سے زائد معصوم شہریوں کے ساتھ کروڑوں روپے کا فراڈ کیا۔ملزمان نے معصوم شہریوں سے یونان ملازمت کا جھانسہ 7 کروڑ 80 لاکھ روپے سے زائد کا فراڈ کیا۔ملزمان نے بھاری رقوم کے عوض معصوم شہریوں کو یونان کے جعلی ویزے دئیے۔

ملزمان بھاری رقوم وصول کرنے کے بعد روپوش ہوگئے تھے۔مقدمے میں نامزد ملزمان میں سے ایک ملزم یونان ایمبیسی اسلام آباد میں ملازمت کر رہا تھا۔نامزد ملزم نے دیگر ساتھیوں کو یونان کے جعلی ویزا اسٹیکرز فراہم کئے۔ملزمان کو گرفتار کر کے تفتیش کا آغاز کر دیا گیا۔ملزمان کے ساتھی کی گرفتاری کیلئے چھاپے مار کاروائیاں جاری ہیں۔