باجوڑ(آئی ایم ایم)صدر پاکستان مسلم لیگ ن خیبرپختونخوا و وفاقی وزیر برائے امور کشمیر و گلگت بلتستان اور سیفران انجینئر امیر مقام نےخصوصی طور پر قائد میاں محمد نواز شریف, وزیراعظم محمد شہباز شریف اور وفاقی حکومت کی جانب سے سابق گورنر و وفاقی وزیر شوکت اللّٰہ اور حاجی بسم اللّٰہ خان کے بیٹے مرحوم سینیٹر ہدایت اللہ کے وفات پر ان سے تعزیت کی۔
ناواگئی میں حاجی بسم اللہ خان کی رہائش گاہ پر فاتحہ خوانی کے بعد متاثرین اور عمائدین علاقے سے بات کرتے ہوئے کہا کہ شہباز شریف کی قیادت میں پوری مرکزی حکومت اس مشکل کی گھڑی میں متاثرہ خاندان کے ساتھ ہے انہوں نے کہا کہ دہشت گردی کا مقابلہ پوری قوم خواہ وہ مرکزی حکومت ہو یا صوبائی مرکزی قیادت اور عوام کو مل کر کرنا ہوگی۔
وفاقی وزیر نے مرکزی حکومت کی طرف سے شہداء کی ورثہ کے لیے معاوضے کا بھی اعلان کیا۔سابق گورنر انجینیئر شوکت اللہ نے وفا قی حکومت، وزیراعظم شہباز شریف اور انجینئر امیر مقام کا شکریہ ادا کیا کہ اس مشکل کی گھڑی میں ان کے ساتھ ہیں۔اس موقع پر سابق ممبر قومی اسمبلی و سینئر نائب صدر ن لیگ خیبرپختونخوا شہاب الدین خان، ضلع مہمند کے صدر زر خان صافی، ضلع باجوڑ کے صدرعبدالکریم، سابق امیدوار قومی اسمبلی و رہنما ن لیگ عبداللّٰہ خان اور جنرل سیکرٹری ن لیگ ضلع مہمند بہرام خان و دیگر لیگی قائدین بھی وفاقی وزیر کے ہمراہ تھے۔
