گوجرانوالہ(بیورو رپورٹ)جماعت رضائے مصطفےٰ کے امیر صاحبزادہ پیر محمد داد رضوی اور بزرگ عالم دین پیر محمد خالد حسن مجددی نے کہا ہے کہ حسینی کردار صبح قیامت تک حق گوئی کا درس دیتا رہے گا،مسلم حکمرانوں کی بے حسی فلسطینیوں کی حالت زار کی ذمہ دار ہے،دہشتگردوں کے حملے قابل مذمت پوری قوم کو سکیورٹی فورسز کی لازوال قربانیوں پر فخر ہے۔ان خیالات کا اظہار انہوں نے علامہ مفتی محمد حسین صدیقی والی مسجد نور الاسلام عالم چوک میں منعقدہ شہدا کربلا کانفرنس سے خطاب کرتے ہوئے کیا۔
اس موقع پر پیرسید علی حسین شاہ حافظ آبادی،الحاج مولانا محمد اکبر نقشبندی،الحاج سرفراز احمد تارڑ،صاحبزادہ محمد نعمان صدیقی،علامہ محمد عمر صدیقی،قاری محمد اعظم چشتی،حافظ عدیل عارف،صوفی تنویر حسین طاہر،شاذب چھٹہ،محمد اقبال ہنجرا،ڈاکٹر محمد احمد نورانی،محمد علی صدیقی،حافظ محمد عثمان صدیقی،حافظ فیاض الحسن صدیقی،عمر سلیم گجر،طیب سرور حیدری،داد مصطفی مہر،حافظ فیض الرسول کیلانی،مولانا اشفاق نقشبندی اور دیگر نے بھی خطاب کیا۔انھوں نے کہا کہ آج مصلحتوں سے بالا ہو کر حسینی کردار اپنانے کی ضرورت ہے۔یزید وقت کے سامنے کلم حق بلند کرنا دراصل حسینیت کی ترویج ہے۔
