گوجرانوالہ( آئی ایم ایم) سینئر رہنما پاکستان پیپلزپارٹی/سابق امیدوار ایم این اے NA78/ طارق محمود مغل نے گورنر پنجاب سردار سلیم حیدر سے گوجرانوالہ آمد پر ملاقات کی اور شہری مسائل اور پارٹی امور پر گفتگو کی ۔گورنر پنجاب سردار سلیم حیدر نے کہا کہ پاکستان پیپلز پارٹی اور اس کی قیادت نے ہمیشہ اپنے کارکنوں کو وہ عزت اور مقام دیا ہے جس کے وہ مستحق ہیں۔انہوں نے کہا کہ پارٹی ورکرز کے لئے گورنر ہائوس کے دروازے ہمیشہ کھلے ہیں۔

انہوں نے کہا کہ انہیں پارٹی ورکرز کے مسائل کا ادراک ہے جنہیں دور کرنے کے لئے ہر ممکن اقدامات کو یقینی بنایا جائے گا۔اس موقع پر طارق محمود مغل نے کہا کہ سردار سلیم حیدر سیاسی کارکن ہیں اپنی پارٹی پی پی پی سے ہمیشہ وفاداری نبھائی،پارٹی کے اس وصف کو ضرور سراہنا چاہیے کہ یہ اپنے پرانے کارکنوں کو عزت دیتی ہے ،سردار سلیم حیدر خان ایک عوامی رہنما ہیں جو ضلع اٹک میں مقبول ہیں ان کے دروازے ہر وقت عوام کیلئے کھلے رہتے ہیں، انہوں نے ضلع اٹک بالخصوص تحصیل فتح جنگ میں ریکارڈ ترقیاتی کام کروائے جنہیں حلقے کے عوام خوب سراہتے ہیں۔

طارق محمود مغل نے گورنر پنجاب کو عہدہ سنبھالنے پر مبارکباد دی اور نیک خواہشات کا اظہار کیا۔اس موقع پر پیپلز پارٹی پنجاب کے سابق صدر چوہدری امتیاز صفدر وڑائچ،ضلعی جنرل سیکرٹری ارشاد اللہ سندھو بھی موجود تھے۔۔طارق محمود مغل نے گورنر پنجاب سے ملاقات کے بعد میڈیا سے بات چیت کرتے ہوئے کہا کہ پیپلز پارٹی شہیدوں کی پارٹی ہے اور ہمارے پارٹی قائدین نے عوام کے لیئے بے پناہ قربانیاں دی ہیں، ہم آصف علی زرداری اور بلاول بھٹوزرداری کی قیادت پر بھرپور اعتماد کرتے ہیں اور آنیوالا وقت پاکستان پیپلز پارٹی کا ہے پیپلز پارٹی ملک کی خوشحالی اور ترقی کے ساتھ ساتھ غریبوں کے حقوق کی جنگ بھی لڑ رہی ہے ، پاکستان پیپلز پارٹی پاکستان کی واحد سیاسی جماعت ہے جس نے ملک وقوم کے لیئے لازوال قربانیاں دی ہیں پیپلز پارٹی شہیدوں کی پارٹی ہے ہمارے قائدین نے ملک میں جمہوریت کے نظام اور ملکی ترقی کے لیئے جانیں دی دیں لیکن کسی بھی غیر آئینی عمل کی حمایت نہیں کی اور نہ ہی کسی آمر کے سامنے کبھی گھٹنے ٹیکے ہیں، ، انہوں نے مزید کہا کہ پیپلز پارٹی ملک کی بڑی سیاسی جماعت ہے جس کو عوام میں بھرپور پذیرائی حاصل ہے ،پارٹی کارکن عوام کے ساتھ ملکر بلاول بھٹو زرداری پاکستان کے نئے وزیراعظم بنائیں گے۔