گوجرانوالہ(بیورو رپورٹ)وزیر اعلی پنجاب مریم نواز شریف کی خصوصی ہدایات واسا گوجرانوالہ متحرک نکاسی آب آپریشن جاری،ایم ڈی واسا فیصل شوکت نے بارش کے فوری بعد گوجرانولہ کے مختلف مقامات مون سون ایمر جنسی کیمپس کا دورہ کیا اور واسا عملہ کو چیک کیا اور بارش کے پانی کی فوری نکاسی کے انتظامات کو چیک کیا جس میں تمام انڈر پاس کو فی الفور کلیئر کرنے کے احکامات جاری کیے اور ڈائریکٹر انجنیئرنگ اورڈپٹی ڈائریکٹرز انجنیئرنگ کو الرٹ رہنے اور انتظامات کی نگرانی کرنے کی ہدایت بھی کی۔اس موقع پر ایم ڈی واسا فیصل شوکت نے بتایا کہ واسا نکاسی آب آپریشن کی لمحہ بہ لمحہ مانیٹرنگ کر رہے ہیں،تمام ڈسپوزل اسٹیشنز کو فل کپیسٹی پر چلانے کی ہدایات کی گئی ہے ۔انہوں نے تمام ہیوی مشینری کو زیر استعمال لاتے ہوئے شہر بھر کو جلد از جلد کلیئر کرنے کی ہدایات دیں ہیں۔
انہوں نے کہا کہ تمام ڈسپوزل اسٹیشنز اور مشینری کو فعال رکھا جا رہا ہے تاکہ نشیبی علاقوں کو جلد از جلد کلیئر کیا جائے۔انہوں نے مزید بتا یا کہ آج مورخہ 2024-07-23 کو صبح بوقت 4:00بجے سے8:30بجے تک تقریبا 106 ملی میٹر ریکارڈ بارش ہو ئی تاہم ڈسپوزل اسٹیشنوں پر بجلی کی لوڈشیڈنگ کی وجہ سے بارشی پانی کے نکاس میں مشکلات کا سامنا ہے خصوصا پیپلز کالونی ڈسپوزل جو کہ صبح04:00بجے سے بجلی نہ ہو نے کی وجہ سے وہاں نصب جنریٹروں کی مدد سیڈسپوزل کو فعال رکھا گیا ہے اور اس کی استعداد کا 25فیصدرہ گئی ہے۔
جس وجہ سے پیپلز کالونی، بہاری کالونی ، فقیرپورہ، کشمیر روڈ ، سیالکوٹ روڈ، سیٹلائٹ ٹان، کھوکھرکی، جگنہ، جناح سٹیڈیم و دیگر ملحقہ علاقوں سے بارشی پانی کی نکاسی کا عمل سست روی کا شکار ہے ۔بجلی کی عدم بحالی کی صورت میں نکاسی آب کا دورانیہ یقینا بڑھنے کا امکان ہے اور عوام کو رات گئے تک ریلیف ملنے کی توقع ہے ۔ نکاسی آب کے آپریشن کی نگرانی ایم ڈی واسافیصل شوکت اور ضلع انتظامیہ گوجرانوالہ نگرانی کر رہے ہیں۔