اسلام آباد(محمد حسین ) پشاور میں جاری پی ایف ایف فٹسال نیشنل کپ فیز 4 کے فائنل مقابلے میں وچن ایف سی نے اسپارٹیکس ایف سی کو 6-4 کے سکور سے شکست دے کر ٹرافی اپنے نام کرلی۔ وچن ایف سی کے کھلاڑی حلیم نے شاندار چار گول کر کے غیر معمولی مہارت کا مظاہرہ کیا، جب کہ یامیم نے اپنی ٹیم کو فتح سے ہمکنار کرنے میں مزید دو گول اسکور کیے۔ اسپارٹیکس ایف سی کی 6 گول کے سنگ میل تک پہنچنے کی قابل ستائش کوششوں کے باوجود وہ صرف چار گول کرنے میں کامیاب ہو سکی۔ اسپارٹیکس کی جانب سے عباس نے دو گول کیے جبکہ حزیر اور اطہر نے ایک ایک گول کیا۔ تیسری پوزیشن کے لیے کے پی ایف اے اور گولز کے درمیان مقابلہ ہوا، جس کے نتیجے میں کے پی ایف اے نے 7-4 سے فتح حاصل کی۔ حلیم کی شاندار کارکردگی نے انہیں پی ایف ایف فٹسال نیشنل کپ فیز فور کے بہترین کھلاڑی کا تاج بھی پہنوایا۔ فٹسال نیشنل کپ کا پانچواں مرحلہ جنوری 2024 میں کراچی میں ہو گا۔

مزید پڑھیں: پی ایف ایف فٹبال نیشنل کپ 12 میچززکافیصلہ، گولز ایف سی نے ایس ٹی ایم ایف سی کو شکست دے دی