لاہور(سٹاف رپورٹر)ملک میں جاری شدید دھند کی وجہ سے پی آئی اے کی پروازیں متاثر ہوئی ہے۔ تفصیلات کے مطابق پی آئی اے کی لاہور، ملتان اور سیالکوٹ سے آپریٹ ہونے والی پروازیں شدیددھند کے باعث متاثر ہوئی ہے ۔ ترجمان پی آئی اے کے مطابق کم حد نگاہ اور دھند میں شدت کے باعث فضائی آپریشن میں دشواری کا سامنا ہے۔دھند کے باعث لاہور، ملتان اور سیالکوٹ کی پروازیں منسوخ، تبدیل یا تاخیر کا شکار ہوسکتی ہیں۔ اس موسم میں مذکورہ شہروں میں دھند کے باعث فضائی آپریشن متاثر ہوجاتا ہے۔تمام مسافروں سے گزارش ہے کہ ائیرپورٹ کیلئے نکلنے سے قبل اپنی پرواز کے بارے میں معلومات پی آئی اے کال سینٹر سے حاصل کریں۔ترجمان نے مزید کہاہے کہ پی آئی اے اپنے معزز مہمانوں کو ہونے والی اس زحمت کے لیے معذرت خواہ ہے۔

مزید پڑھیں: پنجاب میں شدید دھند کے باعث موٹر ویز بند