پاکستان تحریک انصاف (پی ٹی آئی) نے جلسے کی اجازت نہ ملنے پر اسلام آباد ہائی کورٹ سے رجوع کرنے کا فیصلہ کرلیا ہے۔

نجی ٹی وی کے مطابق پاکستان تحریک انصاف کے رہنما شیر افضل مروت نے اسلام آباد ہائیکورٹ میں میڈیا سے گفتگو کرتے ہوئے بتائا کہ پی ٹی آئی نے اسلام آباد میں جلسے کا فیصلہ کیا ہے مگر ضلعی انتظامیہ جلسے کی اجازت نہیں دے رہی جس وجہ سے اسلام آباد ہائی کورٹ میں جلسے کی اجازت کے لیے درخواست دائر کررہے ہیں۔

ان کا کہنا تھا کہ جیل ٹرائل میں عملے کے کچھ غیر متعلقہ لوگ بیٹھے ہوتے ہیں، جیل عملہ آئین و قانون کی پامالی کررہا ہے، وکیل اور مؤکل کے درمیان کلاسیفائڈ گفتگو ہوتی ہے۔

انہوں نے کہا کہ شاہ محمود قریشی کی گرفتاری انتہائی افسوسناک ہے، سپریم کورٹ نے شاہ محمود کو ضمانت دی تھی، ایسا کبھی دیکھا نہیں، قانون کی پامالی کا دور چل رہا ہے، عوام تمام چیزوں کا بدلہ 8 فروری کو لیں گے۔