اسلام آباد (نیوز ڈیسک)ملک بھر کی طرح اسلام آباد میں بھی کاغذاتِ نامزدگی کی جانچ پڑتال کا سلسلہ جاری ہے، جس حوالے سے قومی اسمبلی کے تینوں حلقوں این اے 46 ، این اے 47 ، این اے 48 میں آج اڑتالیس امیدوار کی سکروٹنی ( کاغذاتِ نامزدگی کی جانچ پڑتال) کی گئی، دفتر ڈسٹرکٹ ریٹرننگ آفیسر اسلام آباد کے مطابق آج آر اوز کے سامنے جن نمایاں شخصیات کے کاغذاتِ کی جانچ پڑتال سکروٹنی کی گئی ان میں مصطفیٰ نواز کھوکھر کی این اے 47 اور این اے 48 ، شعیب شاہین کی این اے 48 ، زبیر فاروق کی این اے 46 ، حفیظ رحمان این اے 46 جبکہ جمشید مغل این اے 46 سے کاغذاتِ کی جانچ پڑتال اور سکرونتی کی گئی، ریٹرننگ آفیسر اسلام آباد کاغذاتِ کی منظوری یا مسترد کیے جانے کے حوالے سے ریٹرننگ آفیسرز اسلام آباد تیس دسمبر کو فیصلہ سنائیں گے۔