کراچی(نیوز ڈیسک) ایف آئی اے انٹرپول نے بڑی کارروائی کرتے ہوئے سنگین جرائم میں مطلوب تین اشتہاری ملزمان کو متحدہ عرب امارات (یو اے ای) سے گرفتار کر لیا۔

ایف آئی اے ترجمان کے مطابق اشتہاری ملزمان کو یو اے ای سے گرفتار کر کے لاہور ائرپورٹ منتقل کر دیا گیا، گرفتار ملزمان میں ذیشان یوسف، ہدایت اللہ اور محمد اکرم شامل ہیں جو پنجاب پولیس کو مطلوب تھے۔

ترجمان کے مطابق ملزمان کے خلاف قتل کی دفعات کے تحت مقدمات درج تھے، ملزم ذیشان یوسف بہاولپور پولیس، ملزم ہدایت اللہ رحیم یار خان پولیس جبکہ ملزم محمد اکرم لاہور پولیس کو مطلوب تھے، ملزمان کے خلاف سال 2017، 2021 اور 2023 میں مقدمے درج ہوئے تھے۔

ایف آئی اے NCB انٹرپول پاکستان نے ملزمان کی گرفتاری کیلیے ریڈ نوٹسسز جاری کیے تھے۔ بعد ازاں، ایف آئی اے امیگریشن لاہور نے ملزمان کو متعلقہ پولیس حکام کے حوالے کر دیا۔

مزید پڑھیں: ایف آئی اے کا شہزاداکبر کی گرفتاری کیلئے انٹرپول کو خط

ملزمان کی حوالگی انٹرپول اسلام آباد کی انٹرپول ابوظہبی کے ساتھ قریبی رابطہ کاری کی وجہ سے ممکن ہوئی۔ این سی بی انٹرپول پاکستان بیرون ملک فرار ہونے والے ملزمان کی گرفتاری کیلیے گراں قدر خدمات سر انجام دے رہا ہے۔