گوجرانوالہ(نیوز ڈیسک)پاکستان سنی تحریک کے صوبائی صدرشمالی پنجاب محمد زاہد حبیب قادری کے لخت جگر صاحبزادہ حافظ محمد حسام رضا قادری کی تکمیل حفظ قران کریم کی تقریب منعقد کی گئی، جس میں خطاب کرتے ہوئے علامہ مفتی محمد اشرف القادری نے کہا ہے کہ قرآن پاک کا ہر حرف تعریف مصطفی صلی اللہ علیہ وسلم کا ترجمعہ ہے،قرآن مجید سے روح گردانی مسلمانوں کی دنیا بھر میں پسپائی کا اصل سبب ہے، مسلمانوں کو دنیا میں ترقی حاصل کرنے کے لیے اتحاد یکجہتی کا مظاہرہ کرنا ہوگا، نوجوان طبقہ کو سیرت مصطفی صلی اللہ علیہ وسلم سے روشناس کرانا ہوگا اور مسلمانوں کو اپنے ہر ہر پہلو کو سیرت نبوی صلی اللہ علیہ وسلم میں ڈھالنا ہوگا، کردار کے اعتبار سے مسلمانوں کو اپنی منفرد اور الگ حیثیت کو قائم اور بلند و بالا رکھنا ہوگا، جب کہ اس موقع پر علامہ ڈاکٹر محمد رمضان قادری، سیاسی وسماجی رہنما محمد انشا شاہد بٹ، سٹی صدر عطا الرحمن خان صافی ،محمد آصف مغل، محمد دلشاد احمد شاہد قادری،محمد زبیر کمبوہ، محمد اصغر صابری،حاجی محمد طاہر اور دیگر نے کہا کہ گھر میں تعلیم قرآن کریم کی روشنی کو عام کرنا ہوگا، مسلمانوں کی ترقی کا ہر پہلو قرآن مجید میں موجود ہے جبکہ مسلمان تعلیمات قرآن سے دور ہو کر اپنا مقام ،مرتبہ، ترقی، خوشحالی، یکجہتی اور استحکام کو کھو رہے ہیں، تعلیمات قرآن اور سیرت مصطفی صلی اللہ علیہ وسلم ہی مسلمانوں کی نجات کا راستہ ہے۔