گوجرانوالہ (سٹاف رپورٹر) آل پاکستان تنظیم مغلیہ رجسٹرڈ کے تحت ملک گیر سالانہ کنونشن کا انعقاد گزشتہ روز ہیون کیسل مارکی میں منعقد ہوا، صدارت آل پاکستان تنظیم مغلیہ رجسٹرڈ کے صدر حاجی عبدالرئوف مغل نے کی۔ پروگرام کا آغاز قرآن پاک کی تلاوت سے کیا گیا ۔نعت رسول مقبول خوبصورت آواز میں پڑھی گئی۔ پروگرام کے مہمانان گرامی میں سرپرست اعلیٰ تنظیم مغلیہ حاجی محمد عارف، سینئر نائب صدر چیئرمین مقصود مغل، نائب صدر میاں خالد سیف اللہ، میاں ضیاء اللہ مغل،نائب صدر عمران اسلم مغل، نائب صدر حاجی اختر مغل، جوائنٹ سیکرٹری محمد سعید اشرف اپل، مشیر خاص بائو عمران مغل، انفارمیشن سیکرٹری محمد ندیم کھوکھر، چیف آرگنائزر شاہین آبادعبدالغفار قمر مغل،محمد عثمان کھوکھر، ہارون رشید کھوکھر ، حکیم خالد محمود مغل اور دوسرے ممبران شامل تھے،مہمانوں پر پھولوں کی پتیاں نچھاور اور گلدستے پیش کئے گئے۔ صدر مغل سوسائٹی پاکستان بیگ راج کی دبنگ انٹری، شاہی سواری بگھی پر بیٹھا کر لایا گیا، ڈھول کی تھاپ پر گھوڑوں ڈانس اور فوجی بینڈ کیساتھ ان کا والہانہ استقبال کیا گیا۔ تنظیم مغلیہ جہلم کے صدر ساجد ندیم مغل، پاکستان مغل سپریم کونسل کے صدر احسن مغل اور ان کے ساتھیوں کا بھی پرتپاک استقبال کیا گیا۔ تقریب کے مہمان خصوصی سابق وزیراعظم آزاد کشمیر سردار تنویر الیاس اپنے سرکاری پروٹوکول کے ساتھ ہال میں پہنچے۔ سردار تنویر الیاس کی آمد تقریب کے شرکاء اور دیگر مہمانوں نے انکا والہانہ استقبال کیا۔ اسٹیج سیکرٹری کے فرائض آل پاکستان تنظیم مغلیہ رجسٹرڈ کے ڈپٹی جنرل سیکرٹری حافظ عبدالغفور مغل نے ادا کرتے ہوئے ہرشخص کو اپنی طرف متوجہ رکھا۔ پاکستان بھر سے آئے ہوئے مغل تنظیموں کے صدور اور نمائندوں نے اپنے اپنے خیالات کا اظہار کرتے ہوئے کہا کہ آل پاکستان تنظیم مغلیہ رجسٹرڈ پاکستان مغل برادری کا مرکز ہے کو اپنا کردار ادا کررہاہے۔ پاکستان کی تاریخ میں اس سے بڑا مغل برادری کا اجتماع آج تک دیکھنے کو نہیں ملا جس پر آل پاکستان تنظیم مغلیہ رجسٹرڈ کے صدر حاجی عبدالرئوف مغل اور ان کی پوری ٹیم کو خراج تحسین پیش کیا گیا۔ جنرل سیکرٹری آل پاکستان تنظیم مغلیہ قمر زمان فتحی نے سال بھر کی کارکردگی پیش کی اور آئندہ کا لایا عمل واضح کیا۔ صدر مغل سوسائٹی پاکستان بیگ راج نے اپنے خیالات کا اظہار کرتے ہوئے پاکستان بھر کی مشاورتی کونسل کی بنیاد رکھی اور پاکستان بھر کی نمائندگی کرنے والے اکابرین کی موجودگی میں ان کی اجازت سے آل پاکستان تنظیم مغلیہ کے صدر حاجی عبدالرئوف مغل کو سربراہ مقرر کیا۔ سابق وزیراعظم آزاد کشمیر سردار تنویر الیاس نے اپنے خطاب میں کہا کہ مغل برادری کا آج تک اتنا بڑا اجتماع دیکھنے کو نہیں ملا ہے، جس پر انہوں نے حاجی عبدالرئوف مغل اور ان کی ٹیم کی برادری کیلئے بے مثال خدمات کو سرائے ہوئے برادری کی فلاح و بہبود کیلئے اپنے ہر قسم کے تعاون کی بھرپور یقین دہانی کروائی، تقریب کے اختتام پر سردار تنویر الیاس، بیرسٹر علی اشرف مغل، بیگ راج کو شیلڈز پیش کی گئیں۔ مغل کمیونٹی وزیر آباد اور ان کی مکمل ٹیم نے سردار تنویر الیاس اور آل پاکستان تنظیم مغلیہ رجسٹرڈ کے ایگزیکٹو ممبران کو تلواروں کے تحائف پیش کئے۔