اسلام آباد(نیوز ڈیسک) چیئرمین یونین کونسل ہرنو ٹھنڈا پانی سید زبیر حسین شاہ تحریک انصاف چھوڑ کر مسلم لیگ ن میں شامل ہوگئے۔
تفصیلات کے مطابق سید زبیر حسین شاہ سابقہ امیدوار براۓ چیئرمین ہرنو ٹھنڈا پانی نے سابق و فاقی وزیر ڈاکٹر طارق فضل چوھدری سے ملاقات میں پی ٹی آئی چھوڑ کر ن لیگ میں شامل ہونے کا فیصلہ کیا ہے۔
سید زبیر حسین شاہ نے کہا ہے کہ طارق فضل چوہدری کو اپنے یونین کونسل سے بھاری اکثریت سے کامیاب کروائیں گے ۔
سید زبیر شاہ کا کہنا تھا ڈاکٹر طارق فضل چوہدری کا علاقے کی ترقی میں بہت اہم کردار رہا ہے ان کی شخصیت سے متاثر ہو کر مسلم لیگ ن میں شامل ہو رہا ہوں امید ہے کہ وہ اسی طرح مضافاتی علاقوں کی تعمیر و ترقی میں اپنا کردار ادا کرتے رہیں گے۔
ڈاکٹر طارق فضل چوہدری صاحب کی کمپین کے پہلے دن ہی ایک اور بڑی کامیابی گاؤں درکالہ میں بڑی برادری نےحمایت کا اعلان کردیا۔
چیئرمین ہاوس درکالہ میں چوہدری ممبر شاہریز ، چوہدری صدام حسین ،چوہدری حاجی لطیف، چوہدری اللہ دتہ ،راجہ خالد پرویز ،چوہدری عمران ،چوہدری راشد، چیئرمین عبدالحمید ،ملک شفیق، چودری عدیل چوہدری شاہد ،چوہدری راشد، چوہدری اقبال، حاجی عبدالغفور، ملک سفیر راجہ عبدالوحید نے حمایت کا اعلان اور آمدہ جنرل الیکشن میں بھرپور کمپین کرنے کی بھی یقین دہانی کرائی اس موقع پر چوہدری محمد اکرم، چوہدری ناصر محمود ممبر چوہدری بشارت، چوہدری خالد سکنال بھی ڈاکٹر طارق فضل چوہدری کے ہمراہ تھے۔
