راولپنڈی(سٹاف رپورٹر) نائب ضلعی امیر جماعت اسلامی و امیدوار صوبائی اسمبلی حلقہ پی پی 17رضا احمد شاہ نے کہاہے کہ منتخب ہو کر حلقہ کے تعلیم اور صحت کے مسائل ترجیحی بنیادوں پر حل کرونگا۔ان خیالات کا اظہارانہوںنےیہاں یونین کونسل پچیس میں منعقدہ کارنر میٹنگ سے خطاب کرتے ہوئے کیا انہوں نے کہا ہے کہ نا اہل حکمرانوں کی عوام کش پالیسیوں کے با عث آج عوام غربت کی چکی میں پس کر رہ گئی ہے۔ظلم اور نا انصافی کا راج ہے۔بجلی گیس اور پیٹرول کی قیمتیں تاریخ کی بلند ترین سطح پر ہیں۔ہسپتالوں میں دوائیں ناپید ہیں ۔ تینوں بڑی سیاسی جماعتوں نے ملک و قوم کو زوال کا شکار کر دیا ہے اب وقت آ گیا ہے جب عوام چلے ہوے کارتوسوں کو مسترد کرے گی اور ووٹ ترازو کو دے کر حقیقی عوامی خدمت گاروں کا چناو کرے گی اور انشا اللہ جماعت اسلامی ہی کامیاب ہو کر ملک و قوم کو ترقی کے راستے پر گامزن کرے گی۔