چکوال (سٹاف رپورٹر)گزشتہ سال 2023 چکوال کی ڈسٹرکٹ ایمرجنسی سروس ریسکیو 1122 نے 19 ایمبولینسز، 50 ایمرجنسی موٹر سائیکلز، 3 آگ بجھانے والی گاڑیوں، ایک ریسکیو گاڑی، 5 ریسکیو کشتیوں اور عملہ کے 267 ارکان کی مدد سے ضلع میں 3270 ٹریفک حادثات، 10 ہزار 291 میڈیکل ایمرجنسیز، 205 آگ لگنے، 324 کرائم کے واقعات کو بروقت ریسپونس دیا، سروس کا دائرہ کار وسیع کرتے ہوئے بوچھال کلاں اور ملہال مغلاں میں سینٹرز تشکیل دئیے گئے، عملے کی صلاحیت کو مزید بڑھانے کے لیے تربیتی کورسز کا انعقاد کیا گیا، ایک سال میں پیشنٹ ٹرانسفر سروس کے تحت 2504 مریضوں کو چھوٹے ہسپتال سے بڑے ہسپتال منتقل کیا گیا، نئی شروع کی جانے والی موٹر بائک ریسکیو سروس کے ذریعے 3900 ایمرجنسی کیسز تک 2 منٹ 15 سیکنڈز میں مدد پہنچائی گئی, اس سب کے لیے ڈسٹرکٹ ایمرجنسی آفیسر ڈاکٹر عتیق خان اور ان کی ٹیم خصوصی شاباش کی مستحق ہیں جو شہریوں کی خدمت میں ہمہ وقت پیش پیش ہیں