گوجرانوالہ(نیوز ڈیسک) چیئرمین گوجرانوالہ بزنس سینٹر احمد اکرام لون نے کہاہے کہ انسانیت کی خدمت میں مصروف افراد اور ادارے قابل ستائش ہیں ابراہیم آئی ٹرسٹ ہسپتال گوجرانوالہ اور گردونواح کے علاقوں کے عوام کیلئے کسی نعمت سے کم نہیں جہاں جدید مشینری اور اعلی کوالیفائیڈ ڈاکٹرز اور سٹاف کے ذریعے آنکھوں کے امراض میں مبتلا مریضوں کا علاج کیا جارہا ہے۔ ان خیالات کا اظہار انہوں نے ابراہیم آئی ٹرسٹ ہسپتال کے دورہ کے موقع پر گفتگو کرتے ہوئے کیا۔ اس موقع پرنائب صدر چیمبر عادل ندیم،ڈائریکٹر جی بی سی عثمان نواز باجوہ، شہروز رشید،سید واجد علی نقوی،عمر محمود،چوہدری حبیب اللہ،چوہدری محسن،روحان اشرف و دیگر بھی موجود تھے۔ انہوں نے ابراہیم آئی ٹرسٹ ہسپتال میں مریضوں کو دی جانے والی سہولیات کا جائزہ لیا اورجدید ترین مشینری کے ذریعہ عوام کو بہترین سہولیات فراہم کرنے پر چیئرمین ابراہیم آئی ٹرسٹ ہسپتال رحمان الحق پھلروان کی کارکردگی کو سراہا جبکہ رحمان الحق پھلروان نے چیئرمین گوجرانوالہ بزنس سینٹر احمد اکرام لون،ڈائریکٹر جی بی سی عثمان نواز باجوہ،نائب صدر چیمبر عادل ندیم کو شیلڈ بھی دی۔ اس موقع پرچیئرمین گوجرانوالہ بزنس سینٹر احمد اکرام لون کو بریفنگ دیتے ہوئے چیئرمین ابراہیم آئی ٹرسٹ ہسپتال رحمان الحق پھلروان نے بتایا کہ ہسپتال میں مریضوں کی سہولیات کیلئے تمام وسائل بروئے کار لائے جارہے ہیں ہماری ہر ممکن کوشش ہوتی ہے کہ مریض کو جدید سے جدید ترین سہولیات کی فراہمی کوممکن بنایا جائے۔