گلگت (وسیم بٹ) قراقرم انٹرنیشنل یونیورسٹی کے طالب علم کمیل سلطان اور طالبہ فیزانہ بتول نے ملین سمائل کی جانب سے منعقدہ ٹریک 5.0 لیڈرشپ بوٹ کیمپ میں بیسٹ میل اور فیمل پارٹیسپنٹ ایوارڈ جیت لیا۔شعبہ تعلقات عامہ قراقرم انٹرنیشنل یونیورسٹی سے جاری کردہ پریس ریلیز کے مطابق یوتھ لیڈرشپ بوٹ کیمپ ٹریک 5.0 میں مجموعی طور پر پورے ملک کی چالیس جامعات سے 140 طلبا نے مقابلے میں حصہ لیاتھا۔ بہترین کارکردگی کا مظاہرہ کرتے ہوئے جامعہ قراقرم کے ساتویں سمسٹر کے طالب علم کمیل سلطان نے کامیابی حاصل کی اور اسی طرح کے آئی یو کی ہی طالب فیضانہ بتول نے پورے ملک کی چالیس جامعات سے مقابلے میں شرکت کرنے والے 140 ا میدواروں میں بہترین کارکردگی کامظاہرہ کرتے ہوئے کامیابی اپنے نام کیا اور پاکستان کے سب سے بڑے یوتھ لیڈرشپ بوٹ کیمپ کی اختتامی تقریب میں گولڈ میڈل کے لیے منتخب ہوئی۔اختتامی تقریب میں انہیں گولڈ میڈل عامر ابراہیم جاز کے سی ای او اور چیئرمین موبی لنک مائیکرو فنانس بینک نے دیا۔اس موقع پر ان کے ہمراہ ذیشان افضل سی ای او ملین سمائلزبھی تھے۔کامیاب قرار پانے والے جامعہ قراقرم کے طلبا نے ایوارڑ کو گلگت بلتستان بلخصوص جامعہ قراقرم کے قابل فخر قرار دیا۔ قراقرم انٹرنیشنل یونیورسٹی کے دونوں طلبا اگست 2024 میں ہونے والے ٹریک 6.0 کے مقابلے میں گلگت بلتستان کی نمائندگی کے لیے بھی منتخب ہوئے ہیں۔