الیکشن کمیشن آف پاکستان نے عام انتخابات 2024 کے لیے پولنگ اسٹیشنز کی ابتدائی فہرستیں جاری کردیں۔
ترجمان الیکشن کمیشن کی جانب سے جاری بیان میں بتایا گیا کہ عام انتخابات کے لیے ملک بھر میں ریٹرننگ افسران کی جانب سے انتخابی حلقے کے حساب سے ابتدائی پولنگ اسٹیشنز کی لسٹیں شائع کی جا چکی ہیں، 11 جنوری تک ڈسٹرکٹ ریٹرننگ افسران (ڈی آر اوز) کے پاس اعتراضات جمع کرائے جاسکتے ہیں۔
#ECP pic.twitter.com/svDSoWGAd6
— Election Commission of Pakistan (OFFICIAL) (@ECP_Pakistan) January 6, 2024
بیان میں مزید بتایا گیا کہ ابتدائی پولنگ لسٹ پر حلقے کا کوئی بھی امیدوار یا ووٹر اعتراض یا تجاویز جمع کرواسکتا ہے، 12 سے 17 جنوری کے دوران ڈی آر اوز ان اعتراضات یا تجاویز پر فیصلہ دیں گے۔
ترجمان الیکشن کمیشن کے مطابق مزید پولنگ اسٹیشنز کی حتمی فہرست عام انتخابات سے 15 روز قبل آویزاں کی جائے گی۔