گوجرانوالہ (سٹاف رپورٹر ) جماعت اسلامی نے 5قومی اور 12 صوبائی حلقوں میں امیدواروں کو ٹکٹیں جاری کر دیں ،اس حوالے سے باقاعدہ طور پر تقریب کا انعقاد کیا گیا ، تقریب کے مہمان خصوصی صوبائی امیر وسطی پنجاب جاوید قصوری تھے جبکہ صدارت ضلعی امیر مظہر اقبال رندھاوا نے کی ،صوبائی امیر وسطی پنجاب جاوید قصوری نے حلقہ این اے 77میں عمر فاروق گیلانی ،این اے 78حافظ حمید الدین اعوان ، این اے 79عبدالحمید گورائیہ ، این اے 80بلال قدرت بٹ ،این اے 81سردار عبد الرزاق، صوبائی حلقہ پی پی 59خرم سلیم ، پی پی 60محمد یوسف بٹ ،پی پی 61انیق حسن رندھاوا ، پی پی 62فیض الحق قریشی ، پی پی 63لالہ سجاد مہر،پی پی 64محمد فرقان عزیز بٹ ،پی پی 65محمد اویس چیمہ ،پی پی 66آصف نعیم ایڈووکیٹ ،پی پی 67حافظ امجد فاروق ، پی پی 68چوہدری مبشر حسن ڈھلو ، پی پی 69رانا اظہر جہانگیر اور پی پی 70ڈاکٹر قمر رمضان حسن کو جماعت اسلامی کی جانب سے عام انتخابات کیلئے ٹکٹیں جاری کر دی ہیں ، اس موقع پر صوبائی امیر جاوید قصوری نے جماعت اسلامی کے قومی وصوبائی امیدواران سے حلف بھی لیا ۔اس موقع پر صدر جماعت اسلامی یوتھ سینٹرل پنجاب بشارت علی صدیقی ،ضلعی سیکرٹری جنرل جماعت اسلامی ڈاکٹر احسان اللہ عثمانی،صدر جماعت اسلامی یوتھ ضلع گوجرانوالہ حافظ نعیم فہیم ودیگر ذمہ داران بھی موجود تھے۔