اسلام آباد (سٹاف رپورٹر) ورلڈ مینارٹیز الائنس کے کنوینئر اور سابق وفاقی وزیر جے سالک نے کہا ہے کہ اسلام آباد کی کچی آبادی رمشاء کالونی ایچ نائن ٹو میں بجلی جیسی بنیادی ضرورت نہ ہونے کے باعث یہاں کے مکینوں کو شدید مشکلات کا سامنا ہے، بجلی کی عدم دستیابی کے باعث یہاں کے رہائشی طلبا و طالبات کو حصول علم اور اپنی اسائنمنٹس کی تیاری کیلئے شدید مشکلات کا سامناکرنا پڑتا ہے کیونکہ بجلی نہ ہونے کی وجہ سے وہ کمپیوٹر چلا سکتی ہیں اور نہ ہی انٹرنیٹ کی سہولت کو استعمال کر سکتی ہیں، جبکہ رات دیر گئے یونیورسٹرز سے واپسی پر اندھیرے میں اوباش اور آوارہ نوجوان لڑکیوں کو گلیوں میں چھیڑتے ہیں جبکہ نشہ کرنے اور یچنے والے افراد سرعام یہاں پہ گھومتے ہیں اور منشیات اور شراب کی سپلائی کرتے ہیں جس کی وجہ سے یہاں کا ماحول خراب ہو رہا ہے،انہوں نے ڈی ایس پی انڈسٹریل ایریا سید سجاد بخاری سے مطالبہ کیا کہ پولیس کو چاہیے کہ وہ یہاں پر ناکہ بندی ناکہ لگائے تاکہ جرائم پیشہ افراد کے سرکوبی کی جا سکے اس موقع پر رمشاہ کالونی کی یونیورسٹی کی طالبات نے کہا کہ بجلی اور انٹرنیٹ کی عدم دستیابی کے باعث ان کی تعلیم کا بہت خرچ ہو رہا ہے کیونکہ وہ بجلی نہ ہونے کے باعث اپنی اسائنمنٹ تیار نہیں کر سکتی اور استعمال نہیں کر سکتی جبکہ رات کو دیر سے یونیورسٹی سے واپسی کی وجہ سے یا گلیوں میں اوارہ لڑکے انہیں آوازیں کستے ہیں اور تنگ کرتے ہیں جس سے وہ عدم تحفظ کا شکار ہیں لہذا یہاں پر پولیس کی طرف ناکا لگا کر چیکنگ کے نظام کو بہتر بنایا جائے اور ان کے مسائل کو حل کیا جائے،وہ اسلام آباد کے سیکٹر ایچ نائن ٹو میں واقع کچی آبادی رمشا کالونی کے سینٹ جونز چرچ میں بجلی اور گیس کی فراہمی اور دیگر مسائل کے حوالے سے منعقدہ تقریب سے خطاب کر رہے تھے۔تقریب کے مہمان خصوصی ڈی ایس پی انڈسٹریل ایریا سید سجاد بخاری تھے۔ اس موقع پر ڈی ایس پی انڈسٹریل ایریا سید سجاد حسین بخاری نے کہا کہ ہم کوشش کریں گے کہ یہاں کے مکینوں کے جائز مسائل کو حل کر سکیں اور یہاں پر گشت کا موثر نظام فعال کر سکیں تاکہ یہاں پہ جرائم کا خاتمہ کیا جا سکے۔ تقریب میں پہنچنے پر ڈی ایس پی انڈسٹریل ایریا سید سجاد بخاری کا ڈھول بینڈ باجے اور پھولوں کی پتیاں نچھاور کر کے شاندار استقبال کیا گیا۔