گوجرانوالہ( سٹاف رپورٹر) بجلی اور گیس کی قیمتوں میں اضافے کے باوجود لوڈ شیڈنگ قابل مذمت ہے، اعلانیہ اور غیر اعلانیہ بجلی و گیس کی لوڈ شیڈنگ قابل افسوس امر ہے، دیہاڑی دار اور مزدور طبقہ مہنگائی کے بوجھ تلے دب کر پس چکا ہے، غریب ادمی کے لیے تعلیم صحت اور ضروریات زندگی پورا کرنا محال ہوچکاہے، ان خیالات کا اظہار پاکستان سنی تحریک کے صوبائی ستر شمالی پنجاب محمد زاہد حبیب قادری نے گزشتہ شب عالمی تنظیم اہل سنت کے سینیئر مرکزی رہنما صاحبزادہ پیر سید عبدالغفار شاہ حسینی رضوی سے ملاقات کرتے ہوئے کیا، جبکہ اس موقع پر پاکستان سنی تحریک کے سٹی صدر عطا الرحمان خان صافی ،محمد آصف مغل، محمد یعقوب قادری، محمد زبیر کمبوہ، محمد اصغر صابری، محمد بابر مہر،محمد اصغر کریمی و دیگر بھی موجودتھے، جب کہ محمد زاہد حبیب قادری نے مزید کہا کہ غیر یقینی سیاسی صورتحال کا فائدہ تیسری قوت کو ہوگا، سیاسی جماعتوں کو چاہیے کہ وہ آپس میں باہم رضا مندگی سے آٹھ فروری کو ہونے والے انتخابات کے انعقاد کو یقینی بنانے میں اداروں اور عدلیہ کے ساتھ تعاون کریں، بڑھتی ہوئی ہو شربہ مہنگائی انتخابات کی مزید تاخیر کا بوجھ اٹھانے سے قاصر ہوگی، انہوں نے کہا کہ نگران حکومت کو چاہیے کہ وہ انتخابات کو آٹھ فروری کو ہی کرواے۔