گوجرانوالہ(سٹاف رپورٹر)صوبائی وزیر قانون و پارلیمانی امور کنور دلشاد نے کہاہے کہ گوجرانوالہ میں تیار ہونیوالی مصنوعات عالمی معیار کے مطابق ہیں اور ہمیں سینٹرل ایشیا مارکیٹوں کا رخ کرنا چاہیے کیونکہ سینٹرل ایشیا میں ہماری مصنوعات کی مانگ بہت زیادہ ہے اور گوجرانوالہ کی اشیا ان مارکیٹوں میں مقبول ہیں. ان خیالات کا اظہار انہوں نے گوجرانوالہ بزنس سینٹر دورہ کے موقع پر گفتگو کرتے ہوئے کیا اس موقع پر چیئرمین گوجرانوالہ بزنس سینٹر احمد اکرام لون،ڈائریکٹر عثمان نواز باجوہ،نائب صدر چیمبر عادل ندیم،حبیب اللہ چوہدری،خواجہ فائق کلیم،عمر محمود،فرحان میر،شارق کلیم،رواحہ بٹ،روحان اشرف،واجد علی نقوی،را عمیر،شان بیگ،چوہدری محسن،کامران عباس بھٹہ،راجہ اسامہ و دیگر موجود تھے ،انہوں نے کہا کہ گوجرانوالہ صنعتی اعتبار سے انتہائی اہمیت کا حامل ہے کیونکہ اس کا ذکر ڈاکٹر قدیر نے اپنی کتاب میں کیا ہے کنور دلشاد نے کہا کہ گوجرانوالہ میں ایکسپورٹ پوٹینشل بہت زیادہ ہے اسلئے میں گوجرانوالہ بزنس سینٹر کی کارکردگی سے بہت متاثر ہوا ہوں،اس لئے میں ایپیکس کمیٹی،وفاق اور حکومت پنجاب کو آپکی کارکردگی بارے آگاہ کروں گا انہوں نے کہا کہ وزیر اعلی پنجاب محسن نقوی صوبہ پنجاب کو ماڈل صوبہ بنانے کیلئے دن رات کام کر رہے ہیں اور اسکی مثال گوجرانوالہ موٹروے لنک کی تیز رفتاری سے تعمیر ،گوجرانوالہ میں ہسپتالوں کی اپ گریڈیشن اور یونیورسٹی آف گوجرانوالہ جیسے عظیم الشان منصوبوں قیام ہے اس موقع پر چیئرمین گوجرانوالہ بزنس سینٹر احمد اکرام لون نے بتایا کہ گوجرانوالہ میں ایکسپوٹ کو بڑھانا اور گوجرانوالہ کی مصنوعات کو دوسرے ملکوں میں متعارف کروانا ہماری اولین ترجیح ہے انہوں نے کہا میڈ ان گوجرانوالہ انکلوئیر بنانے کا مقصد بھی یہ ہی ہے کہ گوجرانوالہ کی مصنوعات کو پوری دنیا کے سامنے ایک چھت تلے ڈسپلے کیلئے پیش کیا جا سکے۔