اسلام آباد(وسیم بٹ) قراقرم انٹرنیشنل یونیورسٹی کے وائس چانسلر ڈاکٹر پروفیسر عطاء اللہ شاہ نے انجینئرنگ کریکولم ڈویلپمنٹ اینڈ ریویوکمیٹی کے ساتویں میٹنگ میں بطو رماہر انجینئر شرکت کی۔شعبہ تعلقات عامہ قراقرم انٹرنیشنل یونیورسٹی کے مطابق میٹنگ منعقد کرنے کا مقصد پاکستان انجینئرنگ کونسل کے زیر نگرانی بی ایس سول انجینئرنگ کے نصاب کو ہائیرایجوکیشن کے جدید انڈر گریجویٹ پالیسی کے ساتھ ہم آہنگ کرنے سے متعلق امور پر تبادلہ خیال کرنا اور پالیسی کو حتمی شکل دینے سمیت سابقہ میٹنگ کا جائزہ لینا تھا ۔میٹنگ کی صدارت لورالائی یونیورسٹی کے وائس چانسلر انجینئر پروفیسر احسان اللہ کاکڑنے کیا۔میٹنگ میں وائس چانسلر کے آئی یو اور وائس چانسلرلورالائی یونیورسٹی کے ہمراہ ملک بھر سے ماہرانجینئرزنے شرکت کی ۔میٹنگ میں بی ایس سول انجینئرنگ کے نصاب کو حتمی شکل دیا گیاجسے بعد میں پاکستان انجینئرنگ کونسل کے ٹاسک فورس کے سامنے پیش کیاجائے گا۔پالیسی کے اندر بی ایس انجینئرنگ کے نصاب کو جنرل ایجوکیشن کے نصاب انڈرگریجویٹ پالیسی جو کہ خزاں سال 2024سے تمام جامعات میں لاگوہوئی ہے کے ساتھ تقریباًاکتالیس کریڈٹ آرزپر مبنی جنرل ایجوکیشن جس کو نان انجینئرنگ ایجوکیشن بھی کہتے ہیں۔جو ایچ ای سی کی تیس کریڈٹ آرزسے زیادہ رکھی گئی ہے تاکہ انجینئرنگ سٹوڈنٹس کے اندرجدید ٹیکنالوجیز ،کمپیوٹنگ
،میتھس کی زیادہ سے زیادہ صلاحتیں پیدا ہوں۔اس کے علاوہ انجینئرنگ ایجوکیشن پر مبنی اکانوے کریڈٹ آرز کے کورس کی بھی منظوری دی گئی ۔جس میں کم ازکم 132کریڈ ٹ آرز پر مشتمل بی ایس سی سول انجینئرنگ کی ڈگری ہوگی ۔تاہم جامعات اپنے اکیڈمک کونسل اور بورڑ آف سٹیڈیز میں مزید علاقائی نوعیت کی ضرورت کے مطابق کورسز بھی اس میں شامل کرسکتے ہیں۔میٹنگ میں اس بات کا بھی مشاہدہ کیاگیاکہ انجینئرز جو عمل زندگی میں جاتے ہیںان کے اندر ایس ڈی جیز کے حوالے سے بھی آگاہی اور استعداد کو بڑھایا جائے تاکہ ان کورسز کو ایس ڈی جیز کے سے لنک کرنا بھی شامل ہو۔میٹنگ میں انجینئرز کی صلاحیتوں کو بڑھانے کے حوالے سے بھی بات کی گئی کہ گریجویٹ مارکیٹ میں جائے تودرکار صلاحتیں اور معلومات موجود ہوں۔جس سے مارکیٹ میں ان کو فائدہ مل سکے ۔میٹنگ میں کمیٹی کے کنوینئر پروفیسر احسان اللہ کاکڑ نے سراہتے ہوئے میٹنگ کے تمام ممبران کا شکریہ ادا کیاکہ جن کی کاوشوں سے ایک مثالی و جامع نصاب مرتب ہواہے ۔جس سے انجینئرنگ کے طلبہ وطالبات کو بے حد فائدہ ملے گا۔