کراچی (سٹاف رپورٹر) سربراہ پاکستان سنی تحریک محمد شاداب رضا نقشبندی سے قومی یکجہتی اتحاد ومسلم لیگ (ض) کے سربراہ اعجاز الحق نے مرکز اہلسنت پر ملاقات کی،دونوں رہنماؤں نے ملک کے سیاسی ومعاشی حالات کا تبادلہ خیال کیا،ملکی سلامتی وبقاء اور معاشی استحکام کیلئے سات ملکر کام کرنیپر زور دیا،اس موقع پر پاکستان سنی تحریک کے نائب سربراہ بلال عباس قادری،سینئر مرکزی رہنما محمد شاہد غوری،مرکزی سیاسی کمیٹی کے انچارج ڈاکٹر عمران مصطفی کھوکھر صوبائی صدر سندھ نور احمد قاسمی،مرکزی رابطہ کمیٹی کے رکن فہیم الدین شیخ جبکہ وفد میں شامل مسلم لیگ ق کے رہنما کنور ارشد،محمد صادق شیخ،جمیل احمد خان ودیگر موجود تھے،ملاقات کے دوران محمد شاداب رضا نقشبندی کا کہنا تھا کہ اعجاز الحق قادری کو مرکز اہلسنت آمد پر خوش آمدید کہتے ہیں ہماری سوچ ایک ہے ملکر ملک پاکستان کو بحرانوں سے نکالنے کیلئے جدوجہد کرینگے،ملک کی ترقی وخوشحالی کیلئے دیگر جماعتوں سے بھی رابطے میں ہیں،ملک میں نظام مصطفی ﷺ کے نفاذ سے ہی تمام مسائل حل ہونگے، ملک بھر میں اسلامی نظریات پر مبنی سیاست کو فروغ دینا چاہتے ہیں،ااعجاز الحق صاحب کا ملک کیلئے وژن اچھا ہے ہمیں فوج اور عوام میں دوریاں کرنیوالوں کی سازشوں کو ناکام بنانا ہوگا،ملک کے قومی ادارے مضبوط ومستحکم ہونگے تو ملک دشمن قوتوں کی جرأت نہیں ہوگی کہ وہ پاکستان کی طرف میلی آنکھ سے دیکھ سکیں،اس موقع پر میڈیا سے گفتگو کرتے ہوئے اعجاز الحق نے کہا کہ پاکستان میں ساری جماعتیں ساری سیاست مفادات پر مشتمل ہے نظریات ختم ہوچکے ہیں مجھے پاکستان سنی تحریک کے مرکز آکر خوشی ہوئی،ان کی سوچ اور ہماری سوچ ایک ہے، مہنگائی وبے روزگاری اور سیکیورٹی جیسے مسائل کا ملک کو سامنا ہے غریب مزید غریب ہوتے جارہے ہیں اس ملک میں بے پناہ وسائل ہیں،یہ مملکت اللہ کی طرف سے انعام ہے اس کی ترقی اور فلاح کیلئے تمام ہم خیال جماعتوں سے رابطے میں ہیں۔