ضلعی سطح کی کشمیر مشاورتی کمیٹیاں مسئلہ کشمیر کو نچلی سطح پر اجاگر کرے گی: مشعال ملک
اسلام آباد: راولپنڈی کی ضلعی سطح کی کشمیر مشاورتی کمیٹی کا افتتاحی اجلاس ہوا۔ یہ کمیٹی وسیع تر کشمیر مشاورتی کمیٹی کے تحت قائم کی گئی ہے جس کی سربراہی وزیر اعظم کی معاون خصوصی برائے انسانی حقوق و ترقی نسواں مشعال حسین ملک کر رہی ہیں۔ ضلعی سطح کی مشاورتی کمیٹیوں کا بنیادی مقصد کشمیر کے مسئلے کو نچلی سطح پراجاگر کرنا ہے۔ یہ کمیٹیاں مقامی آبادی میں کشمیر کے مسئلہ پر بیداری، کمیونٹی انگیجمنٹ، وکالت اور ضروری اقدامات کے لیے پلیٹ فارمز کا کردار ادا کریں گیں۔
اس موقع پر خطاب کرتے ہوئے وزیر اعظم کے معاون خصوصی برائے انسانی حقوق و ترقی نسواں مشعال حسین ملک نے کہا کہ اسی طرح کے اجتماعات مختلف اضلاع میں منعقد کیے جائیں گے۔ انہوں نے کہا کہ لاہور، فیصل آباد اور گوجرانوالہ میں ضلعی سطح کی کشمیر مشاورتی کمیٹیوں کے افتتاحی اجلاس تیاری کے مرحلے میں ہیں اور جلد ہی بلائے جائیں گے۔ انہوں نے مزید کہا کہ یہ ضلعی سطح کی کمیٹیاں مختلف عمر کے افراد اور دانشوروں پر مشتمل ہیں۔
معاون خصوصی نے اس بات پر زور دیا کہ یہ اجتماعات نچلی سطح پر کشمیر کاز کو منظم کرنے اور اس کی تشہیر میں اہم کردار ادا کریں گے۔ انہوں نے اس بات پر زور دیا کہ کشمیر کا مسلہ مختلف عقائد اور وابستگیوں سے بالاتر ہوکر پاکستان کے عوام کے اتحاد کی ایک علامت ہے۔ انہوں نے مزید کہا کہ زندگی کے تمام شعبوں سے تعلق رکھنے والے لوگ کشمیر کاز کے لیے گہری عقیدت رکھتے ہیں اور ان ضلعی سطح پر مشاورت کے ذریعے اس اتحاد کو مزید مستحکم کیا جائے گا۔
مشعال ملک نے طلباء اور ماہرین تعلیم پر زور دیا کہ وہ مقامی اور عالمی سطح پر بیداری پیدا کرنے کے لیے جموں و کشمیر کے مسئلے پر مضامین، تحقیقی مقالے اور مضامین لکھ کر اپنا کردار ادا کریں۔ انہوں نے کشمیر کاز کے لیے لوگوں کو متحد کرنے اور بھارتی غیر قانونی مقبوضہ جموں و کشمیر کے مظلوم لوگوں کے لیے انصاف اور ان کے حقوق کی وکالت کے لیے ذاتی طور پر گھر گھر مہم چلانے کے لیے اپنے عزم کا اظہار کیا۔
مشعال ملک نے بھارتی غیر قانونی مقبوضہ جموں و کشمیر میں بھارت کی طرف سے لاگو کی جا رہی آبادیاتی تبدیلیوں پر گہری تشویش کا اظہار کیا۔ انہوں نے جموں و کشمیر کے لوگوں کے پرامن رہنماؤں کو درپیش ظلم و ستم کو اجاگر کرتے ہوئے اس بات پر زور دیا کہ اس طرح کے اقدامات کا مقصد کشمیری عوام کے حوصلے پست کرنا ہیں۔ انہوں نے کہا کہ بھارت کے یہ ہتھکنڈے کشمیری عوام کے غیر متزلزل جذبے اور حوصلے کو کبھی کمزور نہیں کر سکتیں۔
وزیر اعظم کے معاون خصوصی نے اس بات پر زور دیا کہ آر ایس ایس دہشت گردی کی رسائی عالمی سطح پر امریکہ، کینیڈا، آسٹریلیا اور یورپ تک پھیل چکی ہے۔ انہوں نے کہا کہ آر ایس ایس کے دہشت گرد پوری دنیا میں آوازوں کو دبانے کے لیے دہشت گردی کی کارروائیاں کر رہے ہیں۔ انہوں نے کشمیری تارکین وطن پر زور دیا کہ وہ بھارتی غیر قانونی مقبوضہ جموں و کشمیر میں بھارتی مظالم کو بے نقاب کرنے اور دنیا بھر میں آر ایس ایس کی دہشت گردی کی مہموں کے بارے میں بیداری پیدا کرنے میں اہم کردار ادا کریں۔
اس موقع پر معاون خصوصی کی فوکل پرسن محترمہ سبین حسین ملک نے خطاب کرتے ہوئے کہا کہ ضلعی سطح کی کشمیر کنسلٹیٹیو کمیٹیاں پاکستانی عوام کو ہندوستانی غیر قانونی مقبوضہ جموں و کشمیرمیں مظلوموں کی آواز بننے میں مدد کریں گیں۔ انہوں نے مزید کہا کہ یہ کمیٹیاں میڈیا آگاہی مہم، تعلیمی اداروں میں سیمینار منعقد کرنے اور انسانی حقوق کی بین الاقوامی تنظیموں کے ساتھ مل کر بھارتی مقبوضہ جموں و کشمیر کے لوگوں کی حالت زار پر روشنی ڈالنے میں اہم کردار ادا کریں گی۔
