لاہور(نیوزڈیسک)پاکستان مسلم لیگ ن کے صدر وسابق وزیراعظم شہبازشریف نے کہا ہے کہ ملک کو بحرانوں سے نکالنے اور عوام کو ریلیف دینے کا تجربہ مسلم لیگ (ن) کے پاس ہے۔مسلم لیگ (ن) کے صدر شہباز شریف سے سینئیر پارٹی رہنماؤں، سابق ایم این ایز اور سابق ٹکٹ ہولڈرز نے لاہور میں ملاقاتیں کیں۔ ملاقاتوں میں سیاسی امور اور آئندہ انتخابات کے معاملات پر تبادلہ خیال کیا گیا۔اس موقع پر انہوں نے کہاکہ نواز شریف کی قیادت میں معاشی خود انحصاری کا خواب حقیقت بنائیں گے۔
مزید پڑھیں: بلاول وزیراعظم ،جیالے وزرائے اعلیٰ ہوں گے، فریال تالپور
