گوجرانوالہ( سٹاف رپورٹر)پاکستان سنی تحریک کے رکن مرکزی رابطہ کمیٹی و صوبائی صدر شمالی پنجاب محمد زاہد حبیب قادری نے کہا ہے کہ ایران کی جانب سے پاکستان کی فضائی حدود کی خلاف ورزی کی شدید الفاظ میں مذمت کرتے ہیں، ایرانی ناظم الامور کو وزارت خارجہ کا طلب کر کے محض زبانی کلامی احتجاج کرنا ناکافی ہے،
پاکستان کی خودمختاری کی یہ خلاف ورزی مکمل طور پر ناقابل قبول ہے، ایرانی سیکیورٹی فورسز کی اس مضموم حرکت پر اس کے سنگین نتائج نکل سکتے ہیں جس کی ذمہ داری ایران پر عائد ہوگی۔ محمد زاہد حبیب قادری نے کہا ہے کہ پاکستان دہشتگردی،اسکے منصوبہ ساز، سہولت کار اور فائدہ اٹھانے والے خطے کے تمام ممالک کے لیے مشترکہ خطرہ ہیں۔ جس کے لیے مربوط منصوبہ سازی اور کارروائی کی ضرورت ہے، محمد زاہد حبیب قادری نے کہا ہے کہ ایران کسی دوسرے ملک کے اشاروں پر پاکستان کے خلاف انتہاء پسندی اوریکطرفہ کارروائیاں اچھے ہمسایہ تعلقات کے لیے نامناسب ہیں، ایرانی سیکیورٹی فورسز کو اپنی حدود میں رہنا چاہیے، بدصورت دیگر پاکستان اپنی سلامتی اور خود مختاری کے تحفظ کا مکمل اختیار اور حق رکھتا ہے#