گوجرانو الہ(سٹاف رپورٹر) پاکستان سنی تحریک صوبائی صدر شمالی پنجاب محمد زاہد حبیب قادری نے کہا ہے کہ ایرانی حدود میں پاکستانی فورسز کی کاروائی جوابی کاروائی نہ سمجھا جائے بلکہ دہشت گردوں کے خلاف محدود پیمانے کی کاروائی پاکستان کا حق ہے، ایران کے ساتھ اچھے ہمسایہ ملک کی طرح زندگی بسر کر رہے ہیں مگر ایرانی حکام کسی تیسری قوت کے اشاروں پر دم ہلا رہے ہیں، ایرانی حکام اسرائیلی جارحیت کے خلاف فلسطینیوں کی مدد کرنے کی بجائے پاکستان کو انکھیں دکھا رہے ہیں جو کسی بھی طور پر جائز ہے نہ ہی مناسب،ایران کو اپنی ریاستی، آئینی اور اخلاقی حدود میں رہنا چاہیے، ایرانی فورسز کی جارحیت کسی تیسری قوت کو فائدہ پہنچانے کی منصوبہ بندی ہو سکتی ہے، ایران پاکستان کا ایک اسلامی برادر ہمسایہ ملک ہے مگر حدود سے تجاوز کی اجازت نہیں دی جا سکتی.