گوجرانوالہ (سٹاف رپورٹر) جماعت اسلامی این اے 80 کے امیدوار بلال قدرت بٹ اور امیدوار پی پی 62 حاجی فیض الحق قریشی نے کہا ہے کہ جماعت اسلامی واحد سیاسی جماعت ہے، جس نے اپنا منشور پہلے ہی تیار کرلیا اور ترویج بھی کر رہی ہے، ان خیالات کا اظہار انہوں ہاشمی ریسٹورنٹ کھیالی میں جماعت اسلامی یونین کونسل 34 کے اجتماع عام سے خطاب کرتے ہوئے کیا۔ اجتماع عام سے ضلعی نائب امیر سید علی رضا حسنی ، زونل نائب امرا حاجی عبدالقدوس ہاشمی ، عبدالستار گوندل ، یوسی امیر عروج الاسلام ہاشمی سمیت دیگر نے بھی خطاب کیا۔ مقررین کا کہنا تھا کہ جماعت اسلامی اپنے انتخابی منشور کے تحت اسلامی پاکستان، مضبوط معیشت، خوشحال صوبوں، آزاد بلدیاتی اداروں، سب کیلئے سستی خوراک، انصاف، ملازمتیں، رہائش، تعلیم اور صحت سب، احتساب، آزاد خارجہ پالیسی، خوشحال خواتین، خوشحال مزدور اور کسان، خوشحال نوجوان، خوشحال اقلیتیں اور مضبوط دفاع پر عمل پیرا ہے۔