اسلام آباد(سٹاف رپورٹر)اے این ایف نے منشیات اسمگلنگ کے خلاف جاری کریک ڈاؤن میں16 کاروائیوں میں 133 کلو سے زائد منشیات برآمد کرتے ہوئے 14 ملزمان کوگرفتار کرلیا ۔راولپنڈی میں واقع کوریئر آفس میں برطانیہ سے بھیجے گئے 5 پارسلز سے 145 گرام ویڈ اور 47 گرام CBD آئل برآمدکرلی۔ 2 ملزمان گرفتارکرلئے گئے۔ کالا شاہ کاکو ٹول پلازہ شیخوپورہ کے قریب سے 54 کلو چرس برآمد کرتے ہوئے ملزم گرفتار کو کرلیا گیا۔مظفر گڑھ میں ملزم سے 20 کلو چرس برآمدکرلی۔کوہاٹ میں محمد زئی گاؤں کے قریب 18 کلو چرس برآمد کرلی۔ حب میں ملزم سے 12 کلو چرس اور 4 کلو آئس برآمدکرلی۔ برہان انٹرچینج اٹک کے قریب ملزم سے 10 کلو چرس برآمد کرلی۔لکپاس ٹول پلازہ کوئٹہ: تین خواتین سمیت 4 ملزمان سے 4 کلو ہیروئن اور 1 کلو آئس برآمد کرلی۔حیات آباد پشاور کے قریب ملزم سے 4 کلو چرس برآمدکرلی۔چمکنی جی ٹی روڈ پشاور کے قریب ملزم سے 2 کلو ہیروئن برآمدکرلی۔اقبال شہید ٹول پلازہ جی ٹی روڈ اٹک کے قریب ملزم سے 2 کلو چرس برآمدکرلی۔26 نمبر چونگی کے قریب خاتون سے 500 گرام افیون اور 1 کلو چرس برآمدکرلی۔زیرو لائن طورخم سے 630 گرام آئس برآمدکرلی۔گرفتار ملزمان کے خلاف انسدادِمنشیات ایکٹ کے تحت مقدمات درج کرلئے گئے۔