اسلام آباد (سٹاف رپورٹر)اہلیان میرا بیری چونترہ نے متفقہ طور پر پاکستان مسلم لیگ ن کے امیدوار برائے قومی اسمبلی حلقہ این اے 46 انجم عقیل خان کی حمایت کا اعلان کر دیا، اہلیان علاقہ کا کہنا تھا کہ انجم عقیل خان کی جانب سےاہلیان میرا بیری چونترہ اور سی ڈی اے کے درمیان پیدا ہونے والے مسائل حل کرنے پرانکے شکر گزار ہیں اور انکی حمایت کا اعلان کرتے ہیں، حالیہ انتخابات میں ووٹ انجم عقیل خان کو ہی دینگے،تفصیلات کے مطابق اہلیان میرا بیری چونترہ نے متفقہ طور پر پاکستان مسلم لیگ ن کے امیدوار برائے قومی اسمبلی حلقہ این اے 46 انجم عقیل خان کی حمایت کا اعلان کر دیاہے، حمایت کا اعلان کرنے والوں میں ارتضیٰ شاہ ، آفتاب شاہ ، پہلوان شاہ ، بنارس خان تمام سادات برادری سمیت دیگر شامل ہیں،اس حوالے سے چونترہ میرا بیری میں میزبان ملک یاسر اعوان ، ملک ربنواز ، ملک مشتاق ، حاجی مسکین ، یاسر کھوکھر، ملک خلیل , زاہد کھوکھر ، حنیف چونترہ ، شاہد ، سہیل و دیگر نے ایک عظیم الشان جلسہ کا انعقاد کیا ۔ اہلیان میرا بیری چونترہ نے سی ڈی اے مسائل حل کرنے پر انجم عقیل خان کا شکریہ ادا کیا اور انہیں اپنی بھر پورت حمایت کی یقین دہانی کروائی، انجم عقیل خان نے اپنی بھرپور حمایت پراہلیان میرا بیری چونترہ کا شکریہ ادا کرتے ہوئے کہا کہ وہ آئندہ بھی حلقے کے عوام کی خدمت کا سلسلہ جاری رکھیں گے، خیال رہے کہ امیدوار برائے قومی اسمبلی انجم عقیل خان نے اپنی ثالثی میں سی ڈی اے اور میرا بیری چونترہ کے درمیان دیرینہ مسائل کے حل کیلئےمعاہدہ کروایا تھا۔