گوجرانوالہ(سٹاف رپورٹر) جماعت اہل سنت پاکستان اور آستانہ عالیہ قادریہ رضویہ دارالسلام گوجرانوالہ سے جانشین ولی کامل علامہ صاحبزادہ پیر محمد داد رضوی امیر جماعت رضائے مصطفی پاکستان کی زیر قیادت یکجہتی کشمیر ریلی نکالی گئی جوگوندلانوالہ چوک سے شیرانوالہ باغ جی ٹی روڈ پر جا کے اختتام پذیر ہوئی ریلی میں علامہ پیر محمد خالد حسن مجددی، وحیدالحق ہاشمی ایڈووکیٹ ہائیکورٹ ، محمد زاہد حبیب قادری ، حافظ محمد فیاض الحسن صدیقی سٹی ناظم، چوہدری محمد اقبال ہنجرا، صاحبزادہ محمد غوث رضا، صاحبزادہ محمد احمد رضا، علامہ محمد اکبر نقشبندی ،چوہدری محمد شاذب چٹھہ،ملک نصیر احمد نقشبندی نقشبندی، چوہدری محمد فاروق چیمہ، مولانا افتخار الحسن نوری، ڈاکٹرمحمد عبدالرشید انصاری، ارسلان خالد بٹ، قاری محمد الیاس قادری ، صاحبزادہ حافظ محمد حسان رضا قادری،ڈاکٹر محمد عثمان غنی، کے علاوہ کثیر تعداد میں تنظیمات اہل سنت کے قائدین وکارکنان نے خصوصی شرکت کی ۔ ریلی میں مقبوضہ کشمیر میں بھارتی بربریت، ظلم و تشدد اور کشمیر پر ہندوستان کے ناجائز قبضے کی شدید مذمت کی گئی۔صاحبزادہ پیر محمد دائود رضوی نے خطاب کرتے ہوئے کہا کہ ” نہتے کشمیریوں کی مسلسل جدوجہد ضرور رنگ لائے گئی اور کشمیر ضرور آزاد ہو گا، اور پاکستان کا حصہ بنے گا۔ ہمیں ہندوستان کے کلچر کا مکمل بائیکاٹ کرنا چاہیے ”جماعت اہلسنت پاکستان کے بزرگ عالم دین علامہ پیر خالد حسن مجددی،ضلعی ناظم اعلیٰ حافظ محمد رفیق قادری و دیگر مقررین نے خطاب کرتے ہوئے کہا کہ ” مقبوضہ کشمیر میں انڈین فوج کے ہاتھوں ایک لاکھ سے زائد کشمیری نوجوانوں کو شہید کیا جا چکا ہیں، حقیقی شہداء کی تعداد اس سے کئی زیادہ ہے ۔ کشمیر کے مسئلہ کو اقوامِ متحدہ کی قراردادوں کے مطابق حل کیا جائے۔ مقبوضہ کشمیر کی عوام کو حق خود ارادیت کا موقع دیا جائے ۔ آخر میں صاحبزادہ پیر محمد داود رضوی نے کشمیرکی آزادی مجاہدین کشمیر اور وطن عزیز کی سالمیت اور بقا کے لئے خصوصی دعا کی۔ ریلی کے اول تا آخر میں سیکیورٹی کے فرائض پاکستان سنی فورس کے مجاہدین نے سر انجام دیئے۔ ریلی کے اختتام درود سلام پیش کرنے کے بعد پر علامہ الحاج صاحبزادہ پیر محمد داود رضوی نے کشمیر کے مسلمانوں کی آزادی شہدائے کشمیر کی مغفرت ا فواج پاکستان اور وطن عزیز کی سالمیت اور بقا کے لئے خصوصی دعا کی۔