گوجرانوالہ(حافظ عبدالجبار )جمعیت اہل سنت والجماعت حنفی دیوبندی (رجسٹرڈ)گوجرانوالہ کا ایک اہم مشاورتی اجلاس آج الشریعہ اکادمی میں مولانا حافظ گلزار احمد آزادجنرل سیکرٹری جمعیت اہل سنت والجماعت حنفی دیوبندی (رجسٹرڈ)گوجرانوالہ کی زیر صدارت منعقد ہوا جس میں ملک کی موجودہ صورتحال پر غور و خوض کے بعد مندرجہ ذیل امور طے کیے گئے26 فروری کو، آزادی مسجد اقصی اور استحکام پاکستان سیمینار کے عنوان سے مرکزی جامع مسجدشیرانوالہ باغ میں منعقد ہونے والا اجتماع کوملکی حالات کے باعث سر دست ملتوی کر دیا گیا ہے، اجتماع کی اگلی تاریخ کا اعلان رمضان المبارک کے بعد کیا جائے گا،پاکستان شریعت کونسل کے سیکرٹری جنرل شیخ الحدیث علامہ زاہد الراشدی نے شرکاء اجلاس سے اپنی گفتگو کے دوران کہا کہ موجودہ سیاسی خلفشار کے حوالے سے تمام سیاسی و دینی جماعتوں سے اپیل کی کہ وہ قومی خود مختاری اور دستور کی بالادستی کو سامنے رکھتے ہوئے باہمی مشاورت کے ساتھ ملک کو موجودہ بحران سے نجات دلانے کے لیے مشترکہ محنت کریں،قادیانیوں کو ملک میں مذہبی تبلیغ کی اجازت کے حوالے سے سپریم کورٹ کے مبینہ فیصلے پر ملک بھر میں جاری بحث پر تشویش کا اظہار کیا گیا اور چیف جسٹس آف پاکستان سے درخواست کی گئی کہ وہ قادیانی مسئلہ کی مجموعی صورتحال اور تقاضوں کے پیش نظر مبینہ فیصلے کے ابہام کو دور کرنے کے لیے خود کوئی قدم اٹھائیں، گوجرانوالہ میں دی سی روڈ پر پی ٹی سی ایل کالونی کی فروخت کے بعد 30 سال سے چلنے والی باقاعدہمرکزی مسجد کی بندش اور نمازیوں کو نماز پڑھنے سے روک دینا کہ اقدام کو شرعی تقاضوں کے خلاف قرار دیتے ہوئے ضلعی انتظامیہ سے مطالبہ کیا ہے کہ وہ مسجد کے تحفظ کے لیے اپنا مکمل کردار ادا کریں،اجلاس میں حاجی بابر رضوان باجوہ، مولانا جواد محمود قاسمی ،مولانا حافظ امجد محمود معاویہ ،مفتی نعمان،مولانا قاضی مراد اللہ، قاری سفیان چیمہ، قاری محمد قاسم قاسمی، اور حافظ عبدالجبار نے شرکت کی۔