اسلام آباد ( سٹاف رپورٹر ) اسلام آباد چیمبر آف کامرس اینڈ انڈسٹری کی ایگزیکٹو ممبر مس منیزے ماجد کو خواتین کے عالمی دن کے موقع پر صدر مقرر کیا گیا۔ اس موقع کی مناسبت سے کیک کاٹا گیا ۔ جس میں خواتین – ایگزیکٹو ممبران – سابق صدر ظفر بختاوری اور قائم مقام سینئر نائب صدر اختر عباسی نے شرکت کی۔
اس موقع پر آئی سی سی آئی کی قائم مقام صدر منیزے ماجد نے کہا کہ خواتین کے عالمی دن کے موقع پر خیالات کا اظہار کرتے ہوئے کہا کہ صدارت کا عہدہ سمبھالنا میرے لئے اعزاز کی بات ہے ۔ اسلام آباد چیمبر کے سینئرز اور صدر احسن بختاوری خواتین کے حقوق کی پروموشن کرتے ہیں۔ جبکہ آئی سی سی آئی میں خواتین کے حقوق کے لئے مختلف کمیٹیاں کام کر رہی ہیں ۔ جبکہ خواتین کی تعلیم و تربیت کے لئے مزید کام کرنے کی ضرورت ہے۔ پاکستان میں خواتین مختلف مسائل سے دوچار ہیں ۔ اور خاندان کے بے شمار مسائل سے دوچار ہیں – اسلام آباد چیمبر آف کامرس اینڈ انڈسٹری کے سابق صدر اور یو بی جی کے سیکرٹری جنرل ظفر بختاوری نے اس موقع پر اپنے خیالات کا اظہار کرتے ہوئے کہا کہ چیمبر کی رکن خواتین کی کثیر تعداد میدان ہے اور خواتین کے حقوق کے لئے کام کیا جاتا ہے۔ پنجاب میں تاریخ میں پہلی مرتبہ خاتون وزیر اعلیٰ منتخب ہوئی ہیں ۔ جو کہ خواتین کے مسائل حل کرنے کا جذبہ رکھتی ہیں۔ اسی طرح چیمبر میں لا تعداد کمیٹیوں کی سربراہ ہیں جن کو خواتین کے لئے کام کرنے کا موقع دیا جاتا ہے ۔