اسلام آباد(بیورو رپورٹ)اسلام آباد اسٹیٹ ایجنٹس پروگرسیو اتحاد گروپ کے صدر عاطف جمیل بٹ نے ایم سی آئی کی طرف سے پراپرٹی ٹیکس کی شرح میں ظالمانہ اضافہ کو مسترد کرتےہوئے کہا ہے کہ ا یم سی آئی کے پاس نیا ٹیکس لگانے کا جواز نہیں،پراپرٹی ٹیکس میں موجودہ ظالمانہ اضافے سے اسلام آباد ایشیا کا مہنگا ترین دارالحکومت بن جائے گا ،ٹیکس میں موجودہ اضافے کے بعد جائداد کی خرید و فروخت بندہوجائے گی،نئی ٹیکس شرح کے نفاذ سے کرایوں میںہوشربا اضافہ ہو گا اور اسلام آباد میں کاروبار کرنا اور رہائش رکھنا ناممکن ہوجائے گا، وزیراعظم ،وزیر داخلہ فوری طور پر نوٹس لے کر اس ظالمانہ ٹیکس کے نفاذ کا فیصلہ واپس کروائیںبصورت دیگر ظالمانہ ٹیکسز کے خلاف عدالتی و عوامی احتجاج کا ہر راستہ اختیار کریں گے،اپنے ایک بیان میں عاطف جمیل بٹ کا مزید کہنا تھا کہ میونسپل کارپوریشن اسلام آباد(ایم سی آئی) کی طرف سےپراپرٹی ٹیکس کی شرح میں حالیہ ظالمانہ اضافہ کو مسترد کرتے ہیں،بلدیاتی نمائندگان کی غیر موجودگی میں ایم سی آئی کے پاس ٹیکس لگانے کا اختیار نہیں،گزشتہ عرصہ میں بڑھائے گئے ٹیکس کے خلاف اپیلیںپہلے ہی ہائیکورٹ میں زیر سماعت ہیں،ماضی میں پراپرٹی ٹیکس میں اضافے کے خلاف اپیلوں کے فیصلے تک ایم سی آئی کے پاس نیا ٹیکس لگانے کا جواز نہیں،پراپرٹی ٹیکس میں موجودہ ظالمانہ اضافے سے اسلام آباد ایشیا کا مہنگا ترین دارالحکومت بن جائے گا ،ٹیکس میں موجودہ اضافے کے بعد جائداد کی خرید و فروخت بند ہو جائے گی،نئی ٹیکس شرح کے نفاذ سے کرایوں میں ہوشربا اضافہ ہوگا اور اسلام آباد میں عام شہریوں کیلئےکاروبار کرنا اور رہائش رکھنا ناممکن ہوجائے گا ،شہری سہولیات فراہم کرنے میں ناکام ادارے کو ظالمانہ ٹیکس نہیں لگانے دیں گے ،و زیراعظم ،وزیر داخلہ فوری طور پر نوٹس لے کر اس ظالمانہ ٹیکس کے نفاذ کا فیصلہ واپس کروائیں بصورت دیگر ظالمانہ ٹیکسز کے خلاف عدالتی و عوامی احتجاج کاہر راستہ اختیار کریں گے۔