اسلام آباد(سٹاف رپورٹر) پنڈ دادنخان قاری چنگی نمبر سات میں زمین کے تنازع پر بااثر افراد کا خواتین پر شدید تشدد۔تشدد کا نشانہ بننے والی خواتین کا نیشنل پریس کلب کے سامنے احتجاج ان کا کہنا ہے کہ شوکت،عابد زمرد پٹواری نے ہم پر تشدد کیا ہے ہماری آباؤاجداد کی زمینوں پر سرکاری راستہ بنانا چاہتے ہیں یہ لوگ احسان تحصیلدار کے ساتھ مل کر ہمارے ساتھ زیادتی کرتے ہیں۔ہماری کوئی سنوائی نہیں ہو رہی ہماری گھر کی خواتین چھوٹی چھوٹی بچیوں پر انہوں نے ظالمانہ تشدد کیا ہے سٹے ہونے کے باوجود شوکت،عابد اور دیگر ہمارے گھر کی چادر و چار دیواری کا تقدس پامال کرنے کے ساتھ ہمارے منہ پر تماچے مارتے ہیں اور کہتے ہیں دیکھیں ہم بھی کتنی پیاری ہو کتنے پانی میں ہو ہمارے اوپر ظلم کے پہاڑ توڑے گئے ہیں۔انہوں نے میری امی میری چھوٹی چھوٹی بچیوں کو مارا شدید تشدد کا نشانہ بنایا ہے ہم جہ ظلم برداشت نہیں کر سکتے زمین ہماری ہے ہم اس کو کیسے کسی دوسرے کو دے سکتے ہیں۔ بااثر لوگ ہیں آئے دن ہمیں پولیس سے بھی ڈراتے دھمکاتے ہیں ان پر کوئی ہاتھ نہیں رکھتا۔ہماری وزیر اعلیٰ پنجاب مریم نواز آئی۔جی پنجاب اور ڈی پی او جہلم سے درخواست ہے کہ ان بااثر افراد کے خلاف سخت سے سخت قانونی کاروائی عمل میں لائی جائے ہمیں انصاف دلوایا جائے ہماری داد رسی کی جائے۔