گوجرانوالہ (سٹاف رپورٹر)سربراہ پاکستان سنی تحریک محمد شاداب رضا نقشبندی کی اپیل پراسرائیلی جارحیت کے خلاف جمعہ کو ملک گیر یوم “یکجہتی فلسطین” منایاگیا،اس سلسلے میں اسلام آباد، لاہور، کراچی، گوجرانوالہ، ملتان، راولپنڈی، فیصل آباد، گجرات، شیخوپورہ، سیالکوٹ، اٹک، پشاور،کوئٹہ،سکھر،لاڑکانہ،جیک آباد،پتوکی،سوکھیکی منڈی،پسرور،کامونکی سمیت ملک بھرکے بڑے جھوٹے شہروں میں احتجاجی مظاہرے اور ریلیاں نکالی گئیں جبکہ جمعہ کے ملک گیر اجتماعات میں اسرائیلی مظالم کے خلاف مذمتی قراردادیں منظور کی گئیں اورمساجد کے باہراسرائیلی مصنوعات کے بائیکاٹ کے سلسلہ میں جاری دستخطی مہم کے کیمپ لگائے گئے۔ گوجرانوالہ میں ایمن آبادی گیٹ تا سیالکوٹی دروازہ جی ٹی روڈ”آزادی فلسطین مارچ “کیا گیاجس میں پاکستان سنی تحریک کے سٹی صدر محمد آصف مغل کیلانی، سٹی جنرل سیکرٹری محمد یعقوب قادری، اراکین رابطہ کمیٹی محمد فائق قادری ،حافظ محمد شعیب ،زبیر کمبوہ،طاہر خلیل،تنظیمات اہلسنت کے صاحبزادہ غوث رضا، مولاناحافظ محمد رفیق رضوی،رانا محمد سلیم خاں ،چوہدری محمد اقبال ہنجرا،چوہدری شازب علی چٹھہ، ڈاکڑ احمد نورانی ،ملک نصیر نقشبندی ،حاجی شفاقت علی،قاری محمد عدیل رضوی ،اشفاق رضوی۔چوہدری امیر حمزہ سانسی ۔اصغر علی صابری ۔محمد وقاص۔حاجی طاہر رضوی۔حاجی محمد تنویر رضوی۔ اصغر علی باجوہ ۔طالب مجددی دیگر ممتاز علما کرام، سیاسی ومذہبی جماعتوں کے رہنماں سمیت بڑی تعدادمیں لوگوں نے شرکت کی، آزادء فلسطین مارچ کے شرکا نے بینرز اور پلے کارڈز اٹھا رکھے تھے جن پر اسرائیل مخالف اور فلسطین کے حق میں نعرے درج تھے۔سیالکوٹی دروازہ جی ٹی روڈپر مارچ کے اختتام پر شرکا سے خطاب کرتے ہوئے مقررین کاکہنا تھاکہ فلسطین کے مظلوم مسلمانوں کی مدد کرناعالم اسلام کی مشترکہ ذمہ داری ہے، موجود ہ حالات میں پورے عالم اسلام کی جانب سے اسرائیل کے خلاف متحد ہونے کی ضرورت ہے،اسرائیل نے گزشتہ سات دہائیوں سے لاکھوں فلسطینیوں کو دربدر کیا ہے، بچوں اور خواتین کا قتل عام کیااور یہ سلسلہ ابھی تک جاری ہے، اسرائیل کے توسیع پسندانہ عزائم کو نہ روکاگیا تو اس سے پوری دنیا کا امن خطرے میں پڑ جائے گا،اسرائیلی مظالم اور بربریت پراقوام متحدہ، او آئی سی اور انسانی حقوق کی عالمی تنظیموں کا خاموشی شرمناک ہے، پونے دوارب مسلمان شدیدبے چین ہیں، اسلامی ممالک کے حکمران امت کے جذبات کی حقیقی ترجمانی کریں، متحد ہو کر اسرائیل کے خلاف عملی اقدامات کیے جائیں، بیانات اور قراردادوں سے فلسطین آزاد ہو گا نہ وہاں مظالم رکیں گے،تمام مسلم ممالک اسرائیلی مصنوعات کے بائیکاٹ کا اعلان کریں، اسرائیل ایک ناجائز ریاست ہے، جسے کسی صورت تسلیم نہیں کیا جا سکتا، عالمی برادری غزہ میں فی الفور جنگ بندی کرائے، وہاں خوراک اور ادویات بھیجی جائیں۔پاکستان سنی تحریک قبلہ اول کی آزادی اوراسرائیل کے ناپاک عزائم کو ناکام بنانے کیلئے فلسطینی عوام کی حمایت جاری رکھے گی۔یوم یکجہتی فلسطین کے موقع پرپاکستان سنی تحریک علما بورڈ کے اراکین نے مختلف اجتماعات سے خطاب کرتے ہوئے کہا کہ فلسطین اور مقدس مقامات کے ایک ایک انچ کی حفاظت کرنا مسلمانوں پر فرض ہے،پاکستانی قوم فلسطینی حریت پسندوں کے ساتھ کھڑی ہے، دارالحکومت القدس الشریف پر مشتمل ایک آزاد فلسطینی ریاست کا قیام ناگزیر ہو چکاہے،ان شا اللہ تعالی جلد فلسطین میں آزادی کا سورج طلوع ہو گا۔