گوجرانوالہ(سٹاف رپورٹر ) حاجی سراج دین مرحوم کے بیٹے محمد صادق مہر،مہر محمد عارف ندیم ایڈووکیٹ مرحوم محمد شاہد مرحوم ،محمد سلمان مہر المشہور ڈرموں والے ،محمد عرفان مہر کے بھائی ،پاکستان سنی فورس کے مرکزی سالار حافظ مہر محمد عدیل عارف کے چچا جان اور محمد ارسلان مہر محمد فیضان مہر ،محمد فرحان کے والد الحاج چوہدری محمد طارق مرحوم المشہور ڈرموں والے سچے عاشق رسول اور اسلام کے مجاہد تھے بے شمار صلاحیتوں کے مالک تھے انہوں نے اپنی زندگی اسلام کی سر بلندی اور دین اسلام کی ترویج اشاعت میں گزاری تحفظ ختم نبوت نظام مصطفی کے نفاذ اور مقام مصطفی کے تحفظ کے لئے ہمیشہ میدان عمل میں رہے،جامع مسجد سکینہ سراج و مدرسہ سراج العلوم بالمقابل فضائیہ ہائوسنگ سکیم علی جی ٹائون کا قیام، درس وتدریس امامت وخطابت اور سینکڑوں طلبا کو زیور تعلیم سے آراستہ کرنا ان کے لئے ایک بہت بڑا صدقہ جاریہ ہے۔ الحاج چوہدری محمد طارق مرحوم کا انتقال اہلسنت وجماعت کے لئے ایک بہت بڑا سانحہ ہے مرحوم کی ہمہ وقت بیداری مذہبی،مسلکی سماجی خدمات کو ہمیشہ یاد رکھا جائے گا۔ان خیالات کا اظہار ممتاز عالم دین علامہ صاحبزادہ پیر محمد دا ئو د رضوی امیر جماعت رضائے مصطفی پاکستان ، علامہ ڈاکٹر محمد ابوبکر صدیق الازہری،مولانا محمد اکبر نقشبندی، مولانا حافظ محمد رفیق قادری،مولانا حافظ فیاض الحسن صدیق، حافظ مہر محمد عدیل عارف ،صاحبزادہ نعمان صدیقی،صاحبزادہ احمد رضا جماعتی ، ودیگر مقررین نے جامع مسجد سکینہ سراج میں الحاج چوہدری محمد طارق مرحوم کی روح کے ایصال ثواب کے لئے ختم قل شریف کی تقریب سے خطاب کرتے ہوئے
کیا۔تقریب میں مہر ساجد نعیم ہلاکو،علی شبیر مہر کے علاوہ کثیر تعداد میں احباب محبت اور تنظیمات اہل سنت کے قایدین وکارکنان نے خصوصی شرکت کی۔ آخر میں الحاج چوہدری محمد طارق مرحوم کی بخشش ومغفرت اور لواحقین کیلئے صاحبزادہ مولانا محمد انور رضا قادری رضوی نے صبر جمیل کی خصوصی دعا کی ۔علاوہ ازیں الحاج چوہدری محمد طارق مرحوم کے دسویں کا ختم 26مئی بروز جمعة المبارک کو ایک بجے بعد از نماز جمعہ جامع مسجد سکینہ سراج و مدرسہ سراج العلوم بالمقابل فضائیہ ہائوسنگ سکیم علی جی ٹائون قبرستان میں ادا کیا جائے گا۔