گوجرانوالہ۔( سٹاف رپورٹر) نیک اولاد اپنے والدین کیلئے صدقہ جاریہ ہے اور اپنی زندگی میں کی جانے والی نیکیوں کا ثواب ان کے مرحوم والدین کی بخشش کا ذریعہ بنتا رہے گا ۔ان خیالات کا اظہار مقرررین نے قلعہ اعواناں (قلعہ جھنڈا سنگھ) میں اعوان ویلفیئر سوسائٹی پاکستان کے صدر کے کواڈینیٹر طارق یوسف اعوان کی والدہ مرحومہ کے ایصال ثواب کے لئے منعقدہ تعزیتی تقریب کے موقع پر خطاب کرتے ہوئے کیا ۔ تعزیتی تقریب میں اعوان برادری کی سرکردہ شخصیات ملک احمد خان اعوان نائب صدر اعوان ویلفیئر سوسائٹی پاکستان ،صوبائی جنرل سیکرٹری پنجاب ملک جمیل اعوان، سابق کمشنر ملک زاہد اعوان،ملک حنیف ایم پی اے سرائے عالمگیر ،ملک خادم حسین پتوکی، سابق صدر گوجرانوالہ بار ملک عبدلستار اعوان ایڈووکیٹ،ملک انوارالحق اعوان ایڈووکیٹ،فنانس سیکرٹری اعوان ویلفیئر سوسائٹی ملک اظہر اعوان، ملک شوکت علی اعوان ،ملک فہیم اعوان کاڈیالوجسٹ( پی سی آئی) سمیت ہر شعبہ ہائے زندگی سے تعلق رکھنے والے افراد نے خصوصی شرکت کی ۔مقررین نے کہا کہ والدین زندگی میں اللہ کا انعام اور جب اس دنیا سے رخصت ہوتے ہیں تب سراپہ رحمت بن جاتے ہیں ۔جمعہ کے روز جو اولاد اپنے والدین کی قبروں پر جا کر دعا کرتی ہے ایک مقبول جج کا ثواب ان کے نامہ اعمال میں لکھ دیا جاتا ہے۔ سب سے عظیم رشتہ ماں باپ کا ہے جو اولادان کی
قدر نہیں وہ انتہائی بد بخت تصور کی جاتی ہے۔انہوں نے کہا کہ ماں باپ جب بوڑھے ہو جائیں تو ان سے نرم لہجہ اختیار کریں اور جب وصال کر جائیں تو صدقہ کریں تا کہ ان کی روح کو ایصال ثواب ملتا رہے۔امت مصطفی گنہگار ہونے کے باوجود امت مصطفی کے صدقے قیامت کے روز ان کے اعمالوں کو گناہوں سے پاک کر دیا جائے گا۔ مقررین نے کہا کہ جب ایک مومن کی موت آتی ہے تو اس کی روح قبض کرنے کیلئے آسمان سے زمین تک فرشتوں کی بارات امڈ آتی ہے ، آسمان کے سارے فرشتے اس نیک روح کو خوش آمدید کہتے ہوئے اوپر لے جاتے ہیں۔کے ۔تقریب کے آخر میں نائب صدر اعوان ویلفیئر سوسائٹی پاکستان ملک احمد خان اعوان نے مرحومہ کی بخشش ومغفرت اور لواحقین کے لئے صبر جمیل کی خصوصی دعا کی۔