گوجرانوالہ(سٹاف رپورٹر) انجمن طلبا اسلام سٹی گوجرانوالہ کے ناظم محمد داد مصطفی مہر کے زیر اہتمام یومِ تشکیلِ انجمن اور رفقائے انجمن و کارکنان کے اعزاز میں عشائیہ کی تقریب منعقد ہوئی۔ تقریب سے خطاب کرتے ہوئے مقررین نے سٹی کی کابینہ پر اپنا اعتماد ظاہر کرتے ہوئے کہا کہ۔ انجمن طلبا اسلام کی بنیاد آج سے 56 برس قبل کراچی میں چند طلبا نے رکھی۔ طلبا یونین کے آخری الیکشن میں واضح کامیابی کے بعد انجمن طلبا اسلام سب سے بڑی طلبا تنظیم بن گئی انجمن طلبا اسلام نے لاکھوں طلبا کی تربیت کر کے معاشرے کو دئیے جو آج بھی ملک و ملت کی تعمیر و ترقی اور انسانیت کی خدمت میں مصروف عمل ہیں ۔اس موقع پر برادر عمیر اعوان جنرل سیکرٹری پنجاب جنوبی،نصراللہ گل،ملک متین اعوان،چوہدری اقبال ہنجرا،سید مستجاب علی شاہ،احمد رضا جماعتی،شازب علی چٹھہ،ملک منیب اعوان،ڈاکٹر احمد نورانی،راشد مغل،میاں فاروق عارف،ملک نصیر نقشبندی حافظ حسان رضا،رانا حفی اکرم،نعمان صدیقی،ابوبکر مصطفے مہر،عدیل عارف،ابوبکر آصف بٹ،حماد رضا،ملک حسنین،احمد مہر و دیگر نے شرکت کی۔ مقررین نے مزید کہا انجمن طلبا اسلام طلبا حقوق کیلیئے کسی قربانی سے دریغ نہیں کریں گے ،حکومت فوری طلبا یونین کے انتخابات کروائے ۔انہوں نے کہا کہ پاکستان میں ہر ادارے میں یونین ہے مگر طلبا کو اس حق سے محروم کررکھا ہے ۔آئین طلبا کو یونین سازی کا حق دیتا ہے اے ٹی آئی فروغ امن کے لئے کوشاں ہے ہماری جدوجہد نفاذ نظام مصطفی کے لئے ہے ۔ انجمن طلبا اسلام نوجوانوں میں عشق مصطفی پیدا کرکے مکمل اسلامی معاشرے کے قیام کے لئے سرگرم عمل ہے ،انجمن نے ہمیشہ وطن سے محبت پر مبنی جذبوں کو پروان چڑھایا اور ہر موقع پر نظریہ پاکستان کی پاسداری کا حق ادا کیا ہے ۔ اس موقع پر انجمن طلبا اسلام کی تاریخی جدوجہد کو سلام عقیدت پیش کرتے ہوئے جدوجہد عزم مصمم کیا گیا۔ تقریب میں انجمن طلبا اسلام کے ذمہ داران کارکنان رفقا اور طلبا کی بڑی تعداد نے شرکت کی ۔