گوجرانوالہ(سٹاف رپورٹر)مہمند فلاحی تنظیم پاکستان کے صدرعطا الرحمان خان صافی نے کہا ملکی سالمیت اور خود مختاری پر کوئی حرف نہیں آ نے دیں گے،وطن عزیز کے دفاع کے لیے اپنی جانوں کا نذرانہ پیش کرنے سے دریغ نہیں کریں گے،حکومت وقت کو چاہیے کہ وہ مہنگائی، بے روزگاری، لاقانونیت اور غیر یقینی صورتحال کا خاتمہ یقینی بنانے کے لیے اقدامات اٹھائے،قبائل خاندان کا بچہ بچہ ملکی سالمیت اور خود مختاری کے لیے ہر وقت جانوں کا نذرانہ پیش کرنے کے لیے تیار ہے،مہمند فلاحی تنظیم کا بنیادی مقصد پختون قبائل بچوں کو تعلیم صحت اور بنیادی شہری حقوق کا حصول ہے۔ان خیالات کا اظہار انہوں نے مہمند فلاحی تنظیم پاکستان کے زیر اہتمام منعقدہ تقریب سے خطاب کرتے ہوئے کیا۔جبکہ اس موقع پر عہدیداران حبیب الرحمن،علی حیدرخان،جوھرخان،زرلال خان،وھاب خان،امیرخان،جلیل خان،جبارخان،دوست محمد،نورزمان مہمندخان،زمان مہمند، رحمت ولی خان، حاجی مصائب.خان، ستارخان: حاجی رحمت ولی خان مجیدخان صافی ،علامہ عبدالواحدمدنی کے علاوہ عمائدین نے شرکت کی ۔اس موقع پر خان مہمند نے تقریب سے خطاب کرتے ہوئے کہا کہ ملک اور قوم کو درپیش تمام مسائل اور بحرانوں کا واحد حل جمہوریت پر عمل پیرا ہونا ہے،سیاسی جماعتوں کو اپنے منشور اور پالیسیوں پر نظر ثانی کرنا ہوگی،موروثیت،جاگیردارانہ اور وڈیرا شاہی نظام حکومت میں پاکستان کی جڑوں کو کھوکھلا کر دیا ہے،انصاف کو بالہ طاق رکھ کر نوجوانوں میں احساس محرومی پیدا کیا گیا ہے،نسل نو کو عملی سیاست میں حصہ لے کر ملک کی ترقی میں اپنا کردار ادا کرنا چاہیے،پٹھانوں کی غیرت ہر وقت ملک اور قوم کے لیے حاضر ہے۔