گوجرانوالہ(سٹاف رپورٹر)سری لنکا کے اعزازی قونصل جنرل یاسین جوئیہ نے گوجرانوالہ بزنس سینٹر کا دورہ کیااور رواں ماہ کے آخر میں 27 مئی کو گوجرانوالہ بزنس سینٹر کے سری لنکا جانیوالے14ر کنی تجارتی وفد کے بارے میں بریفنگ دی،وفد میں ٹیکسٹائل، ہوم اپلائنسز، رائس، کارپٹ، یوٹینسلز، آٹو پارٹس اور میٹل انڈسٹری سے تعلق رکھنے والے بزنس مین شامل ہوں گے، اعزازی قونصل جنرل سری لنکا یاسین جوئیہ نے کہا کہ پاکستان اور سری لنکا کی باہمی تجارت کو فروغ دینے کے لیے جی ،بی، سی کا تجارتی وفد سری لنکا کا دورہ کر رہا ہے جہاں پر چار سری لنکن چیمبرز یعنی سیلون چیمبر آف کامرس اینڈ انڈسٹری ،کولمبو چیمبر آف کامرس اینڈ انڈسٹری، ویمن چیمبر آف کامرس اور ٹورازم چیمبر کے ساتھ مفاہمتی یاداشتوں پر دستخط کیے جائیں گے، اس دورے کو کامیاب بنانے کے لیے اسلام آباد میں سری لنکن ہائی کمشن اور سری لنکا میں پاکستانی ہائی کمشن کوشاں ہیں،علاوہ ازیں سری لنکا میں قیام کے دوران تجارتی وفد سری لنکن وزارتِ خارجہ، وزارتِ تجارت اور سری لنکن انویسٹمنٹ بورڈ کا بھی دورہ کرے گااِس موقع پر گوجرانوالہ بزنس سینٹر کے چیئرمین احمد اکرام لون نے اعزازی قونصل جنرل کا شکریہ ادا کرتے ہوئے کہا کہ 27مئی کو سری لنکا جانے والا تجارتی وفد گوجرانوالہ بزنس سینٹر اور سری لنکا پاکستان بزنس فورم کی مشترکہ کاوشوں کا نتیجہ ہے۔ انھوں نے گفتگو کے دوران اِس عزم کا بھی اظہار کیا کہ سری لنکا کے دورے میں گوجرانوالہ کی صنعتی مصنوعات کو فروغ دینے اور دونوں ممالک کے تجارتی روابط کو مزید ہموار کرنے میں بھرپور کردار ادا کریں گے اس موقع پر ڈائریکٹر گوجرانوالہ بزنس سینٹر عثمان نواز باجوہ، خواجہ شارق کلیم، خالد منہاس، سید واجد علی نقوی، نجم رف، چوہدری محسن، خواجہ روحان اشرف، خواجہ فائق کلیم، اسامہ امجد، عمر محمود، چوہدری حبیب اللہ، عمران ناز، فصیح الرحمن کھوکھر، ملک ولی الحق اور دیگر بھی موجود تھے،چیئرمین گوجرانوالہ بزنس سینٹر احمد اکرام لون نے سری لنکا کے اعزازی قونصل جنرل یاسین جوئیہ کو سوئینر بھی دیا۔