اسلام آباد ( سٹاف رپورٹر) مرکزی انجمن تاجراں بہارہ کہو کے صدر راجہ زاہد دھنیال، جزل سیکرٹری ملک زبیر – نائب صدر شاہ انور اور حسنین شاہ نے کہا ہے کہ بہارہ کہو پرانی سڑک کی تعمیر کا کام ایک سال کی تاخیر سے شروع کرنے پر چیئرمین سی ڈی اے کیپٹن ریٹائرڈ انوار الحق کو خراج تحسین پیش کرتے ہیں۔ جبکہ اسلام آباد چیمبر آف کامرس اینڈ انڈسٹری کے صدر احسن ظفر بختاوری۔ آل پاکستان انجمن تاجران کے صدر اجمل بلوچ- اور سیکرٹری ٹریڈرز ایکشن کمیٹی اسلام آباد خالد چوہدری کا بھی شکریہ ادا کرتے ہیں جنہوں نے حکام بالا کے سامنے بہارہ کہو کے مسائل کو اجاگر کیا ۔بائی پاس فلائی اوور کا افتتاح ایک سال قبل کیا گیا تھا لیکن مرکزی سڑک کا فلائی کے ٹھیکہ میں مرکزی بازار کی پرانی سڑک شامل ہونے سے کے باوجود تاخیر کی گئی جس سے. تاجر سخت پریشانی کا شکار رہے ہیں امید ہے کہ سڑک بننے کے بعد مسائل میں کمی واقع ہوگی ۔ انہوں نے مزید کہا کہ مین سڑک کے دو طرفہ ریڑھیوں اور تجاوزات کی بھر مار ہے، جس سے بھی مسائل بہت بڑھ گئے ہیں انہوں نے مطالبہ کیا کہ پلازوں کے ساتھ ساتھ فٹ پاتھ تعمیر کئے ہیں اور اس سے باہر تجاوزات تصور کی جائیں – انہوں نے چیرمین سی ڈی اے سے مطالبہ کیا کہ اتنی بڑی آبادی کے بازار میں نہ تو کوئی ٹوائلٹ موجود ہیں اور نہ ہی کوئی فلٹریشن پلانٹ ہے جن کی تعمیر وقت کی اہم ضرورت ہے۔

مزید پڑھیں: سوئی گیس کی ایڈیشنل سیکورٹی طلب کرنا غیر قانونی ہے، اجمل بلوچ