اسلام آباد(سٹاف رپورٹر) اسلام آباد پولیس نے وفاقی دارلحکومت کی شاہراؤں پر تعینات افسران و اہلکاروں کو وبائی امراض سے محفوظ رکھنے کے لئے فیس ماسک مہیا کیے۔تفصیلات کے مطابق اسلام آباد کیپیٹل سٹی پولیس آفیسر ڈاکٹر اکبر ناصر خاں کے خصوصی احکامات پر اسلام آباد کیپیٹل پولیس وفاقی دارلحکومت میں شہریوں کی جان ومال کو محفوظ بنانے ،شہریوں کو حادثات سے محفوظ رکھنے اور ٹریفک کی روانی کو برقرار رکھنے کے لئے ہمہ وقت مصروف عمل ہے،سی پی او سیف سٹی /ٹریفک کی ہدایت پر اسلام آباد کیپیٹل پولیس نے وفاقی دارلحکومت کی شاہراؤں پر تعینات افسران و اہلکاروں کو وبائی امراض سے محفوظ رکھنے کے لے فیس ماسک مہیا کیے،انہوں نے کہا کہ افسران و جوانوں کو فیس ماسک فراہم کرنے کا مقصد ان کو وبائی امراض سے محفوظ رکھتے ہوئے ان کی صحت کو برقرار رکھنا ہے،تاکہ وہ احسن طریقے سے اپنے فرائض منصبی سر انجام دیں سکیں،انہوں نے شہریوں سے اپیل کی کہ وہ ٹریفک قوانین کی پاسداری کو یقینی بنائیں ،ٹریفک قوانین کی پاسداری محفوظ زندگی کی ضمانت ہے۔
مزید پڑھیں: اسلام آبا د پولیس کی کارکردگی اور ذہنی صلاحیتوں کو بہتر بنانے کے لیے تین روزہ ورکشاپ کا انعقاد
