غیر قانونی گاڑیوں کا جمعہ بازار دفعہ 144 کے تحت ختم کروا دیا گیا
راولپنڈی (سٹاف رپورٹر)راولپنڈی کے غیر قانونی جمعہ بازار کے خلاف ڈی سی راولپنڈی کے احکامات کے تحت ٹریفک پولیس ٹی ایم اے اور پولیس کا مشترکہ آپریشن کیا گیا۔ گاڑیوں کے غیر قانونی بازار کے باعث اے بلاک ایران روڈ اور مری روڈ پر شدید ٹریفک جام کی عرصہ دراز سے شکایات تھی جس پر ڈی سی راولپنڈی نے دفعہ 144 کے تحت کاروائی کے احکامات جاری کیے جس کے بعدٹریفک سرکل انچارج علی رفیق ٹی ایم او علی عمران اور تھانہ صادق آباد پولیس نے گاڑیوں کے غیر قانونی بازار کے خاتمہ کے لیے مشترکہ آپریشن کا آغاز جس سے ایران روڈ مری روڈ سروس روڈ فوری کلیئر کروایا گیا اہلیان علاقہ نے ڈی سی راولپنڈی ٹریفک سرکل انچارج نیو ٹاؤن علی رفیق اور ٹی ایم او علی عمران اور انکی ٹیم کی کوشش کو سراہا اور امید ظاہر کی کہ مستقبل میں بھی شہریوں کو اس اذیت سے نجات دلانے میں راولپنڈی انتظامیہ اپنا کردار کسی دباو کے بغیر ادا کرتی رہے گی۔