راولپنڈی (حسیب چوہدری)نیو میٹرو سٹی گوجر خان انتظامیہ کے خلاف رئیلٹرز اور انوسٹرز کا احتجاج،ڈیویلپمنٹ کے نام پر بھاری رقم جمع کروانے سے انکار کرتے ہوئے بائیکاٹ کا اعلان کر دیا،یہ سراسر زیادتی ہے جسے ہر گز قبول نہیں کریں گے۔ممبران کی اکثریت نے زمین کی قیمت کی مد میں طے شدہ رقم مکمل جمع کروا رکھی ہے انتظامیہ اسی رقم سے پہلے قبضے دے پھر مزید رقم پر بات ہو گی۔تفصیلات کے مطابق گوجر خان میں ڈیڑھ سال قبل نجی ہاؤسنگ سوسائٹی نیو میٹرو سٹی کے نام سے بی ایس ایم ڈیولپر نے ایک پروجیکٹ بنایا جس میں شہریوں کی بڑی تعداد نے پلاٹس بکنگ کروائی ابتدائی بکنگ کے وقت قسطوں کے پلان کے ساتھ سوسائٹی نے رقم وصول کی اور بعد ازاں بیلٹنگ کے نام پر مزید رقم بٹور کر آفرز کے ذریعے زمین کی قیمت کے نام پر پوری پوری رقم وصول کر کی اس کے بعد ساتھ ہی بھاری رقم ڈیویلپمنٹ چارجز کے نام پر وصول کرنے کیلئے نوٹسز شروع کر دئیے اور روزانہ کی بنیاد پر ممبران کو فون کالز اور میسجز سے تنگ کیا جا رہا ہے جس پر متاثرین نیو میٹرو سٹی نے احتجاج ریکارڈ کروانے کی کال دی اس موقع پر ملک بھر بڑی تعداد میں ممبران،ڈیلرز اور انوسٹرز نے شرکت کی اور سوسائٹی کی جانب سے ظالمانہ ڈیویلپمنٹ چارجز کے نوٹسز کی مزمت کرتے ہوئے ان کو مسترد کر دیا ہے۔ممںران کا کہنا ہے کہ پہلے سوسائٹی انتظامیہ پلاٹس کی پوزیشن تیار کرے اور ان کو پرافٹ پر لیکر جائے اس وقت نیو میٹرو سٹی کی پروڈکٹ مائنس میں ہے اور ممبران کی اکثریت نے زمین کی قیمت کی مد میں سو فیصد ادائیگی کر دی ہوئی ہے ابھی فوری فوری ڈیویلپمنٹ کے نام پر بھاری رقم کا مطالبہ کسی صورت جائز نہیں ہے۔ہم سوسائٹی کے اس اقدام سے مکمل بائیکاٹ کرتے ہیں اور ان معاملات کیلئے متاثرین نے ایک کمیٹی تشکیل دی ہے جو سوسائٹی کے ساتھ مذاکرات کرنے کے بعد کوئی فیصلہ کرے گی۔
مظاہرین نے سوسائٹی انتظامیہ کو ڈیولپمنٹ چارجز کی مد میں مزید کوئی بھی رقم دینے سے انکار کر دیا ہے۔ممںران کا کہنا ہے کہ جب تک سوسائٹی پوزیشن تیار نہیں کرتی مزید رقم کا مطالبہ جائز نہیں ہے۔