گجرات (نمائندہ خصوصی) پاکستان مسلم لیگ(ن)گوجرانوالہ کےڈویژنل صدر چوہدری عابد رضا کوٹلہ نے کہا ہے کہ عوام ملک کو 2018ء سے قبل کی پوزیشن پر لانے کے لئے 8 فروری کو گھروں سے نکل کر شیر پر مہر لگا کر مسلم لیگ (ن) کو کامیاب بنائے تاکہ ملک اور قوم کو بدامنی ، مہنگائی ، بے روزگاری اور معاشی ، اقتصادی بد حالی سے نکالا جاسکے۔ انتخابی مہم کے دوران مسلم لیگ(ن)کا عوام گرم جوشی سے استقبال کر رہے ہیں، انہوں نے ان خیالات کا اظہارقو می اسمبلی کے حلقہ این اے 62 میں انتخابی مہم کے موقع پر ایک کارنر میٹنگ سے خطاب کرتے ہوئے کہا،ا س موقع پرگوجرانوالہ ڈویژن سے مسلم لیگ(ن)کے راہنماؤں چوہدری شبیر احمد کوٹلہ اوراجہ محمد اسلم سمیت دیگر بھی موجود تھے ۔ چوہدری عابد رضا کوٹلہ نے مزید کہا کہ مسلم لیگ(ن)کے کارکن اور قیادت انتہائی سخت حالات میں بھی چٹان کی طرح ڈٹ کر کھڑے رہے ہیں اور عوام کے درمیان تھے ہم نے عوام کو اس وقت بھی باور کروایا تھا کہ ہم عوام کے حق کے لئے سختیاں برداشت کررہے ہیں اور ہر مشکل سے گزرنے کے لئے تیار ہیں آج پنجاب سمیت ملک بھرکے عوام اسی استقامت کے بدلےن لیگ کے ساتھ ہیں اور یہ تسلیم کرتے ہیں کہ ملک کی حقیقی نمائندہ جماعت مسلم لیگ(ن)ہے ۔انہوں نے کہا کہ مسلم لیگ(ن)عوام کی طاقت سےملک کی سب سے بڑی پارلیمانی قوت بن کر ابھرنے جارہی ہے، 8فروری کو عوام مہنگائی، بد امنی ،بے روزگاری کے خلاف ووٹ دیں گے مسلم لیگ(ن)منتخب ہوکر پاکستان کی کمزور معیشت کو مضبوط، مہنگائی اور بے روزگاری ، بدامنی کے خاتمے کی بنیاد رکھے گی ۔انہوں نے کہا کہ 2018سے قبل ملک درست سمت میں تھا خارجہ پالیسی کامیاب، معیشت مضبوط ، جی ڈی پی ریکارڈ سطح پر تھی لیکن میاں محمد نواز شریف کو نا اہل قرار دیکر ملک کو مسائل کے دلدل میں دھکیل دیا گیا آج محمد میاں نواز شریف ایک بار پھر ملک کومسائل کی دلدل سے نکالنے کے لئے واپس آئے ہیں ۔انہوں نے کہا کہ مسلم لیگ(ن)نےخیبر تا کراچی اپنے امیدوار کھڑے کئے ہیں اور ہمیں امید ہے کہ ہم عوام کے ووٹوں سے بھاری اکثریت سے کامیاب ہوں گے اورملک کے تمام مسائل کے حل کے لئے اقدامات کریں گے تاکہملککی پسماندگی اور عوام میں پایا جانے والا احساس محرومی دور ہوسکے۔